السلاااااااااااااام عليكم
غدانا من كام يوم كان كفتة بالطرب و مكرونة بالصوص الأبيض
طبعا عملته قبل كدا بس قلت المرة دى لازم اصوره واوريه لفتوكاتى حبيباتى
اول حاجة { الكفتة بالطرب }
1- نجيب مقدار الكفتة زى ما بنعملها كلنا طبعا
نتبلها بالملح والفلفل وبهارتنا اللى بنحبها انا باحب القرفة والجنزبيل و طبعا البصل والخضرة بتاعتنا وممكن فلفل مفروم ناعم
2- نصبع كفتتنا
طبعا انا عاملة كمية صغننة عشان انا وجوزى بس وابنى ممكن لو اكل نص واحدة يبقى رضا
3- نجيب الطرب ( دا جزء من الخروف بس بصراحة معرفش انهى حتة )
4- نقطعه حتت بالطول على قد الكفتاية
5- نلف بقى الطرب على الكفتاية كدا
6- نجيب الصينية ونقطع بصلة طرنشات
7- نحط الكفتة فى الصينية ونحطها على النار ونغطيها عشان تنزل مايتها وتستوى براحتها
8- وهنا لما استوت
( ممكن بقى لما تستوى تحطيها تحت الشواية او تجيبى فحمة وتوليعها وبعدين تحطيها فى الصينية وتغطى )
طبعا نسلق المكرونة عادى ونبدأ نعمل البشاميل للصوص الابيض
1- فى حلة نحط السمن والدقيق نحمرهم شوية
2- نكون غاليين اللبن
3- نضيف اللبن على الدقيق والسمن ونقلب بسرعة عشان ما يعملش كتل ونحط ملح وفلفل
( لكل معلقة زبدة معلقة دقيق و عليهم كوباية لبن )
4- نكون مجهزين بقى ( جبنة مثلثات – جبنة موتزريلا – جبنة تركى مبشورة – زيتون مقطع صغير )
5- فى حالة تانية نحط شوية زيت وننزل بالبصل المبشور والجزر المبشور والفلفل المقطع و ملح و نشوحهم
6- ننزل بالمكرونة ونقلب ونرش شوية فلفل اسمر
7- ونضيف بقى الصوص اللى عملاناه ونقلب ونقدم
وزوووووووووووووووم كمااااااااااااااان
اتمنى تكون عجبتكم وياريت اللى عجبها تقيم
واللى حتقيم ليها طبق من دا
وحتى لو مافيش تقييم اتمنى دعوة حلوة بظهر الغيب لزوجى وابنى ولى ولها بالمثل ان شاء الله مواضيع هذا القسم برعاية
Om Abd EL-rahman Om Abd EL-rahman 675152_4.gif سوبر فتكات Fatakat 675152 الاسكندرية – مصر