السلام عليكم ورحمة الله وبركاته
ازيكم يا احلى فتوكات
كل سنه وانتن بخير بمناسبه الاسراء والمعراج — اللهم بلغنا رمضان على خير واغفر لنا ما تقدم من ذنبنا وما تأخر .
انا عملت البيكاتا بالمشروم واستغليت الامكانيات المتاحه عندى وطلع الطعم والله حكاااايه والكميه كبيره كفتنا وزياده .
نبدأ بسم الله :
المقادير :
لحم بفتيك انا قطعته شرايح زى الشاورمه بس اتخن شويه ( وده اللى خلى الكميه تزيد عندى )
بصله مقطعه — فصين توم
حوالى معلقتين كبار دقيق
مشروم معلب او طازه زى ما تحبى
نص كوب قشطه ( بتاعه اللبن — انا بحوشها فى اكياس صغيره لحين الاستعمال وده بديل كريمه الخفق )
ربع كوب لبن
ملح — فلفل – رشه قرفه صغيره
الطريقه :
نقطع شرايح اللحم زى الشاورمه ونرش عليها معلقتين الدقيق
فى طاسه تيفال وعلى النار نحط معلقه سمن ومعلقه زيت ولما يسخنوا ننزل بشرايح اللحم المقطع
مع اضافه الفلفل والملح ورشه القرفه مع التقليب المستمر عليها من الناحيتن لغايه ما يتحمروا ( ملحوظه انا كنت متبله
اللحم من قبلها بيوم يعنى خدى بالك وانتى بتحطى التوابل متكتريش )
https://files2.fatakat.com/2015/6/13705108112255.jpg
بعد ما تتحمر اللحم على الناحيتين نشيلها فى طبق على جنب
https://files2.fatakat.com/2015/6/13705109348979.jpg
فى نفس الطاسه نحط البصله ونقطع فصين التوم ( ملحوظه هامه التوم يتقطع او يتفرم قبل اضافته للاكل مباشره لانه يحتوى على زيوت طياره ) ونقلبهم كويس
بعدها نضيف المشروم على البصله والتوم ونقلب كويس
وبعدين نضيف نص كوب القشطه وربع كوب اللبن مع التقليب المستمر
https://files2.fatakat.com/2015/6/13705112037058.jpg
طبعا كل ده على نار متوسطه
وفى الاخر بنضيف شرايح اللحم مع التقليب ونوطى النار ونسيبها تستوى بتاخد حوالى من عشر دقايق الى ربع ساعه
وده شكلها النهائى بعد ما خلصت والله الطعم حكايه
https://files2.fatakat.com/2015/6/13705113896573.jpg
يارب الاكله تكون عجبتكم
فى امان الله مواضيع هذا القسم برعاية
الاخت نهى الاخت نهى سوبر فتكات Fatakat 758077 القاهره – مصر