وصفة فراخ جديدة نوفى قليلة السعرات ولذيذة

سلام لكل الستات الحلوين …. بصوا بقى يا حبايبى الأكلة دى انا ابتكرتها لما كنت بعمل رجيم وهى شبيهة الكوردون بلو بس على ريجيم حبتين
المكونات : صدور فراخ مخلية لكن مش مقطعة شرائح بسطرمة زيتون مخلى جبنة شيدر مستورد ( متخليش البقال يقطعها شرايح هاتيها على بعضها ) زيت زيتون زعتر ملح وفلفل
الطريقة : 1 – قطعى الصدور قطع متوسطة الحجم وشقى كل قطعة بالعرض 3 شقوق او اقل او اكثر حسب سماكة القطعة ثم تبليهم بالزعتر والملح والفلفل
2 – إحشى كل شق حسب الآتى : بسطرمة زيتون جبنة شيدر ( الترتيب من اسفل لأعلى )
3 – رصيهم فى صنية فرن على مقاسهم متكونش واسعة قوى وبعدين رشى عليهم زيت زيتون

4 – تكونى مولعة الفرن من 10 دقايق قبل ما تدخلى الصنية وبعدين تدخليها فى نار متوسطة وتغطيها حتى تمام النضج ( حوالى 30 دقيقة ) وبعدين تعريها وتعرضيها للشواية علشان تتحمر من الوش
تتقدم معاها الأرز البسمتى او المكرونة بالصلصة او بطاطس محمرة اما السلطة بتبقى حلوة معاها التومية او المايونيز او الكولسلو
وبالهنا والشفا انتى وحبايبك
مواضيع هذا القسم برعاية

kiri2017 kiri2017 images/flowersavatars/avatar0012.jpg فتكات حبوبة Fatakat 266067 cairo – egypt

سبحان الله و بحمده