السلام عليكم ورحمة الله وبركاته
بصوا يا حبايبي انا ست بيت شاطره قوي والله ما بجمل في نفسي بس الكل بيقول كده وخصوصا جوزي حبيبي اقولك ازاي تعملي مورته في البيت حماتي حبيبتي هي اللي معلمهانيمنتظره ردك
وبتكون جميله كانك بتاكلي سمنه بلدي ومش بس كده هيطلع في الاخر سمنه بلدي كمان بدل ما تشتريها غاليه بس انا بصراحه كل لما اكتب موضوع كل واحده تعدي تقراه وتخرج وتكسل تكتبلي حته باي مفيش تقدير يعني المهم انتوا طبعا اكيد بتجيبوا لبن علي الاقل تلات مرات في الاسبوع (الطريقه) هتجيبي اللبن وتغليه وبعدين تحطىه في التلاجه لمده يوم تاني يوم تاخدي الوش القشطه اللي هتطلع واشربي واستخدمي اللبن عادي ونحط القشطه في علبه تلاجه بلاستيك بغطاء في الفريزر وتكرري العمليه دي كل لما تجيبي لبن ولما تحسي انك جمعتي حبه حلوين تجيبي حله وتسيبي القشطه تفك حبه علشان تعرفي تقلبي القالب في الحله وتحطي عليه حبه ملح وتعرفي منين ان الملح مظبوط تسيبي القشطه لما تسيح وعليها الملح اللي انتي حطاه وبعدين تدوقي طعم اللبن لو كنت عايزه المرته ملح معين زودي لحد لما توصلي للنتيجه اللي انتي عايزاها ولازم توطي النار زي ما بترددي الارز علشان القشطه متلسعش وكل شويه تخوشي تقلبي وتحكي القشطه اللي لزقت في الحله وبعد نصف ساعه انتي هتلاقي السمنه بقت علي الوش شفافه والمورته تحت في القاع وبعد كده تقفلي النار وتصبي السمنه اللي في الحله في برطمان وطبعا بحرص علشان متاخديش المورته وسيب حبه سمنة قليلين علشان تقلبيهم علي المورته وحطيها في علبه في التلاجه وكلي وادعيلي ………….ارجوا منكم التقييم علشان اكتب كل اللي عندي ومابخلش عليكم ههههههههههههه انا بهزر انا هفضل اكتب حتي لو مردتوش مواضيع هذا القسم برعاية
ام سفسوفه ام سفسوفه 159186_4.gif فتكات ست الكل Fatakat 159186 المنصورة – مصر