السلام عليكم ورحمه الله وبركاته
والصلاة والسلام على اشرف المرسلين سيدنا محمد عليه افضل الصلوات واتم التسليم
يارب تكونوا بخير وفى احسن الاحوال
انهاردة معايا طبق لذيذ جدااااااااومميز وسهل وسريع كفته الارز بس بالوايت صوص وتجديد عن المعتاد استخدمت فيها الكريمه اللبانى بس مش شرط الكريمه اللبانى ليها بديل كوبايه لبن ع معلقه نشا ع م زبدة سايحه او قشطه وش اللبن تحفه
نشوف الطبق ونرجع نشوف الطريقه
المقادير بحب اقول مكونات لكن المقادير بتكون على حسب معايرك انتى ودى بتختلف من واحدة للتانيه
استخدمت لحمه ورز وبصل وتوم وكريمه لبانى دقيق ولبن نسيت اصورهم كاالعادة لازم انسى اصور حاجه ومبحطش خضرة وانتى براحتك طبعااااا واستخدمت توابل ملح وفلفل اسمر وكسبرة ناشفه وسنه قرفه صغيرة وكمون
الاول الرز بغسله كويس وانشفه كويسسسسس واطحنه ف مطحنه التوابل بيكون احلى من انه يتسلق بيخلى الكفته ماسكه نفسها ومبتلزقش فى الايد وتتصبع عالطول فرمت اللحمه مع البصل والتوابل والتوم ورجعت فرمتها تانى مع الرز
حمرت الكفته بنسبه 80فى الميه وعملت الصوص حمرت فى طاسه تانيه معلقه دقيق كبيرة مش للاخر يدوب اخدت لون دهبى
و حطيت الكريمه على الدقيق واللبن وقلبت بسرعه جدابحيث الصوص يكون وسط فى السمك ميتخنش منك وحطيت رشه ملح وسنه فلفل اسود بتديها طعم حلو قوى وهقولك ع معلومه علشان اى صوص ميكلكعش منك استنيه يبرد زى البشاميل مثلا وع الخلاط اضربيه هتبصى تلاقيه نعم ومفهوش اى كلكعه خالص
هنا حطيت الكفته ف الصوص وغطتها وسبتها تغلى ع نار هاديه 5دقايق واحرك الطاسه براحه علشان الكفته تتقلب فيه واطفى وسيبيها فيه قبل الغرف10 دقايق تشرب من الصوص واغرفيها تجنننننن حقيقى لذيذة قوى . عملت جبنها مكرونه
وادى الجميل علشان خاطر القمرات
وادى طبق كمان
على فكرة والله العظيم الموضوع دة بحاول احمله من امبارح وتعبنى جداااااا معرفش تحميل الصور فيه ايييييييه فتقدير للتعب والمجهود
من فضلك التقـــــــــيم ياقــــــمر
سلام الله عليكم مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………