البصاره
الاكله ديه متعلمها من امى ربنا يشفيها يارب
هيا سهله وجميله اوى اوى وكمان موفره وفى بنات تعرفها
وفى بنات متعرفهاش فانا قلت اكتبها لكوا بمناسبه
انى لسه طابخها النهارده عشان النهارده كنت بعمل
شغل البيت ومش فاضيه اعمل اكل كتير فقلت استسهل
وهيا بصراحه اكله سهله وجميله اوى وكمان مش مكلفه
خالص خالص يابنات انا رغيت كتير يالله بينا نخش على المفيد…
انا هقول على المقادير الى انا استخدمتها وانتى ممكن تزودى برحتك اصلى انا عامله كميه بسيطه عشان احنا
3 بس ..
ربع كيلو فول مدشوش من ده
ربطه كسبره خضره
3 حبات طماطم
ثوم مقطع حوالى 4 فصوص مقطعين كده
وفصين مش مقطعين غير 4 المقطعين
ندخل على الطريقه يالله
بجيب الفول انقيه وبعدين اغسله 3 مرات عشان ينضف
بعدين انضف الكزبره الخضره واغسلها كويس واخرطها
وبعدين الطماطم اغسله كويس واقطعها شريح
وبعدين احط الطماطم والكزبره والفول والثوم الفصوص الى مش مقطع على بعض واروح
حطه مياه عليها لحد ماغطيهاواحطها على النار الوسط
لحد ماتستوى وتنشف ميتها واوعى يافتوكه تقلبيها
غلط كبير وتبوظ منك وبعدين بعد ماتستوى اسبها تبرد وبعدين اضربها فى الخلاط واحطها فى الحله واجيب الثوم
المقطع واحطه على السمنه واحمره واروح طشاه عليها
واروح حطه ملح وكمون عليها واسبها على النار الهاديه
يجى دخمس دقايق واروح طافيه وغرفها فى اطباق واطلعها تبرد
وبعدين حطيها فى التلاجه او طلعى طبق كلى مع المخلل
اووووووووووبا بتبقا تووووووووحفه
بس
يالله يافتوكه لو استفدتى قيمى وسبيلى رد ذى السكر
مواضيع هذا القسم برعاية
هديرتعشق ربها هديرتعشق ربها 898181_3.gif فتكات هايلة Fatakat 898181 الاسكندريه – مصر