جايبالكم اكلة النهارده تحففففففففففففه وكلكم بتحبوها وهى محشى الكرنب بشوربة اللحمه الضانى
بس ايه رووووووووووووعه
المقادير ياقمرات
كرنبة متوسطه
1 كيلو رز
1 كيلو طماطم
خضرة شبت بقدونس كسبرة
4 حبات بصل
التوابل ملح فلفل كمون كسبرة ناشفه رشة نعناع رشة قرفه رشة جنزبيل
وكل واحده وحسب البهارات بتاعتها
والكميه دى مش بتخلص كلها انا بعمل والباقى بحطه فى كيس وعلى الفريزر ينفع فى يوم تانى
طيب الصور هتشرح نفسها بنفسها اسيبكم مع الصور
الكرمبة اهى بعد ماشيلت الورق منها
وادى الورق اهو شوفتو سليمه ازاى
وبعدين جهزت حلة فيها ميه وملح ومعلقتين كمون علشان الكرنب
وبعدين غليت الميه وحطيت الورق فيها دقيقه كده يطرى بس مش تسيبيه كتير هيتهرى ويتقطع
وبعدين هنا طلعت الورقه اهى شوفو شكلها ازاى مش مقطعه وحلوة اهى
خلاص سلقتهم كلهم نيجى بقى للتقطيع بنجيب الورقه دى ونقطع العرق اللى فى النص ده
وبعدين نتنى الورقه ونقطعها نقصها نصين بالسكينه ونقطع الورقه حسب الحجم اللى تحبيه
انا بحب المقاس ده واهو بعد ماقطعت شويه منهم
نيجى بقى للحشو فرمت البصل فى الكبه وضربت الطماطم فى الخلاط وقطعت الخضرة
وغسلت الرز جبت حله فيها شوية سمنه وقدحتهم وحطيت البصل
وبعدين صفيت الرز والخضرة وسقطتهم وده شوية من الخلطه لما خلصت كنت ببردها علشان ابتدى الحشو
وجبت طبق وقولت الف فيه واحده علشان لو فى بنوته او عروسه جديده تعرف اللف ازاى
تحطى الرز وتلفى الورقه كده سهله قوى قوى
وادينى اهو بسم الله ماشاء الله مليت الحله اهو بنفس طريقة اللف دى
على فكرة يابنات انا مبرميش حاجه خالص من الكرنبه بعملها كلها ورقه كبيرة او صغية كله بعملو بشفيها خالص
يتبع حبيباتى لسسسسسسسسسسسسسسسسسه مكمله معاكو
مواضيع هذا القسم برعاية
*البتولة* *البتولة* 523313_42.gif ممنوعة من المشاركة Fatakat 523313 ارض الله كلها للمسلمين ميفصلش بينا غير الحدود والمسميات – عايشه فى حضن بناتى وزوجى