كلنا عارفين فوائد التين البرشومى للضغط والكوليسترول والنقرس وحاجات كتير تانية
طيب نبلله ونحطه فى التلاجة وننساه وممكن يحمض ( لآن التين بيحمض بسهولة )
طيب ممكن نعمل بيه حلويات ايوة ممكن
1- هاتى 100 جرام التين المجفف قطعيه مكعبات واضربيه فى الكبة لحد ما ينعم
2- حطى عليه قرفة او جنزبيل او الاتنين مع بعض مع بشر برتقال ( من كل حاجة نص معلقة صغيرة)
3- اعملى عجينة زى عجينة قراقيش العيد اللى هى
2 كوب دقيق + معلقتين سكر + معلقة كبيرة زبدة او سمن + نص كوب عصير برتقال + معلقة صغيرة بيكنج بودر
( احنا مش حاطين سكر ولا سمن كتير عشان الكوليسترول والضغط )
4- اعجنى العجينة دى لحد ما تلم معاكى وتبقى عجينة سهلة التشكيل
5- نجيب التين اللى عملناه فى الكبة نضيف عليه معلقة عسل عشان يمسك فى بعضه ويبقى زى العجوة
6- اعملى كور من العجينة وفى كل واحد حطى جواها كرة الحشو ( التين ) واقفلى عليها
يعنى زى ما بنعمل كحك العيد المحشى
7- هاتى صاج وحطى فيه ورق زبدة ورصى فيه الكحكات او القراقيش
8- حطيها فى فرن متوسط الحرارة و ابدئى بصى عيه بعد ربع ساعة لحد ما تلاقى اكحك لونه اصفر من تحت والوش لسا ابيض
9- خرجيه من الفرن ورصيه على الكلينكس بتاع المطبخ اللى بنطع عليه البطاطس ( عشان السمن او الزبدة الزيادة يشربها الكلينكس )
بالهنا والشفا
10 مواضيع هذا القسم برعاية
asmaree asmaree فتكات حبوبة Fatakat 1244158 القاهرة – مصر
سبحان الله و بحمده