السلام عليكم يابنات
أنا كنت عملت اقتراح قبل كدة فى قسم الاقتراحات عن فتكات تعمل كتاب طبخ الكترونى من انتاجها زى كتب الطبخ الالكترونية اللى بتبقى فى مواقع كتير
وان كدة كدة المحتوى موجود ومحتاج حد بس يجمعه ويبرمجه فى برنامج بامتداد exe
عشان لما يكون مفيش نت نقدر برضه نفتح البرنامج ونطلع بسرعة الطبخة اللى عايزينها ونقفله تانى
وفى نفس الوقت أنا حابة ان منتدانا اللى بنحبه يبقى ليه انتاج خارجى
المهم محدش اهتم باقتراحى من الادارة
وأنا كنت مصممة أرفع الموضوع كل شوية
وفى الآخر قلت مافيش فايدة مش هتخلصوا منى
ودورت واتعلمت ازاى أعمل كتاب الكترونى بطرق مختلفة
اختارت فيهم أحسن طريقة وبدأت اشتغل فى الكتاب اللى نفسى فيه
أنا دلوقتى بوريكم جزء من الكتاب لأنه بياخد وقت ومجهود جامد جدا جدا
الجزء اللى بنزله ده عشان آخد رأيكم أخد منى تعب جامد جدا
وقلت بدل ما أكمل للآخر وأفضل شهر فى الموضوع ده أنا آخد رأى الفتوكات وأسألهم أكمل ولا ايه؟
وربنا يعمل اللى فيه الخير
الجزء ده عبارة عن قسم واحد جوة قسم فى الكتاب
بيتكلم عن أطباق الفراخ
20 طريقة لأطباق الفراخ
وأحلى حاجة ان الكتاب بالصور
الطريقة من أولها لآخرها بالصور
وعشان كدة المساحة كبيرة أوى
رغم انى عملت عمايل فى الصور عشان أصغرها وأوضحها
المهم الجزء ده (التجربة ) مرفوع على سيرفر (وأخد اليوم كله عشان يترفع لما جوزى كان هيرمينى من البلكونة)
ومتقسم لعشر أجزاء عشان سرعة النت عندى بطيئة أوى وعشان تعرفوا تحملوه
اللى عايزة تحمل تتفضل وتفك الأجزاء الى برنامج واحد وتفتحه وتقوللى اكمل ولا لأ
اللى عايزة تقيم عشان الموضوع يتثبت وباقى البنات تشوفه أكون شاكرالها
اللى مش عاوزة كفاية انها شرفت موضوعى
أسيبكوا مع التحميل
روابط مخالفةالادارة مواضيع هذا القسم برعاية
Mermaid Mermaid 337113_1.gif فتكات ست الكل Fatakat 337113 القاهرة – مصر