بسم الله
دى اول مشركه ليه بس حبيت اوريكو معاون الشيطان عمل ايه معايا؟!
فى الصيف من كام سنه كده ماما كانت عندى وطبعاً عيزه اوجب معاها بس الواجب زاد لحد مطفح على ايدى انا
المهم جوزى الصراحه بيستقبل اهلى كويس اوى لدرجه انهم مش بيحبو يجو عندى من كترالترحاب
والمحمر والمشمر بيحسو انهم متقلين عليه وانا احساسى ده عادى مهو بيعمل لاهله برضو وانا مش مقصره فى حاجه معاهم
المهم فى يوم حسيت ان المفروض اورى ماما انى ست البيت وغلست على جوزى جامد بس اللى متوقعتهوش!
رد فعل جوزى كان حاد جدآ وتهزقت بشكل غير عادى وطبعآ انا مسكتش اصلى مابسبش حقى وخصوصآ مع اللى بيحبونى هههههههههههههههههههههههههههه المشكله طبعآ عماله توصل للسما ومش بتنطفى محدش عايز يستسلم وماما خدت بعضها ومشيت ال ايه يمكن نهده اما تمشى لوحدنا كده اشى خيال ياناس
واللى حصل كان اكبر من تصور اى حد!!!
فضلت اشحن نفسى جامد واول مانزل جوزى يادوب وصل تحت البيت
وسمع تكسير جامد فى الزجاج والناس كلها طلعت البلكونات تشوف فى ايه؟
فضلت بايدى اكسر فى زجاج البلكونه وقع كله عليا جوزى سمع الصوت طلع بسرعه بص كده لأنى غرقانه فى دمى ربنا ميوريكو00
اتارى الزجاج فتح ايدى كلها وانا مش حسه وبردو مكمله غباء شدنى غصب عنى للحمام وحطنى تحت الدوش بهدومى علشان يشوف مكان الدم منين لحد معرف جاب تى شيرت بتاعه وقطعه وربط ايدى ليوقف الدم واتصل بماما وزعق معاها ليه تسيبها وهى فى الحاله دى تعالى بسرعه
ماما مصدقتش اللى حصل ليه؟
اصلها قبلت وحده صحبتى وحكتلها اللى حصل معايه وصحبتى قالت خلى بالك ياطنط احسن نانا تنتحر وهى اعصبها ضعيفه اوتعمل حاجه وحشه فى نفسها طبعآ ماما قالت لااااااااااا نانا عقله
بس اكتشفت ان العقل والايمان والحب راح فى لحظة غضب هيفه0000 رجعت ماما على البيت عندى وشافت المنظر زعلت جدآ وقالت صحبتك معاون الشيطان طبعآ كلمتك قولتلها اه ليه تقولى كده عليها ؟
هى اللى شجعتك على ده؟
قولت لاء00 انا مش هيفه علشان اسمع كلام حد هى كانت بتهدينى وبتقول اوى تعملى كذا وكذا وكذا00000 وبصيت لنفسى وقتها لقيت انى عملت اللى هى قالت عليه بالضبط استحقرت نفسى اوى وخصوصآ ان الموضوع كان عادى انا حتى مكنتش بزعق كان كلامى بصوت عادى 00رحت المستشفى علشان انظف الجرح واخيطه خت حوالى 20غرزه والحمدلله
ومن وقتها بحاول ابعد خالص عن معاون الشيطان لانى اكتشفت بعد كده انها عملتلى مشاكل كتير منغير محس
وربنا يسمحنى على اذيتى لنفسى وليكو ودى تعلمنى انى مسبش مشعرى وغضبى يحركها حد بالساهل
يارب اكون وصلت الفكره صح
ادعولى ربنا يهدينى ويثبتنى على طعاتو
بحبكو فى الله
♥حواء من ضلع اعوج♥ ♥حواء من ضلع اعوج♥ 509209_2.gif ممنوعة من المشاركة Fatakat 509209 فى حضن دافى – مصر
سبحان الله و بحمده