السلام عليكم يا حبيباتى
فى حاجة هقولها بس محدش يضحك عليا لانها بجد حاصلة
عمر حد منكم عاش الاحساس دة او فكر انه ممكن يحصل له بعد الشر يعنى
احساس انتى مخطوبة ولا لأ
ولو جه حد من زمايلك عاوز يتقدم لك وسألك هتقوليله أه ولا لأ
انا مش مجنونة والله بس دى الحقيقة
يعنى لما تتخطبى لواحد من بلد تانية ويلبسك دبلة وتتكلموا لمدة خمس شهور وبعدين يقطع الاتصال
ولا يرد عليكى ولا يقولك محصلش نصيب ولا اى حاجة
هتعتبرى نفسك مخطوبة ولا خلاص
ولو خلاص هتبقى خلاص بعد اد ايه؟
يعنى هتسيبى لنفسك فرصة اد ايه وبعدين تقلعى الدبلة وتعلنى انك مش مخطوبة؟؟
وبعدين لما يجيلك ابن الحلال وانتى ترتاحيله ويتقرى فاتحتكم
وباباكى حابه ومرتاحله
وفجأة باباكى يقلب عليه ويقول انه مش كويس وانه نصاب وانه طمعان وحاجات كدة
ويقولك قراية الفاتحة ملغية ومحصلش نصيب ( دة باباكى اللى يقول )
ومن ناحية تانية خطيبك متمسك بيكى وعازك وقالك انه هيغيب شوية كام شهر يعنى مش كام سنة
وهيرجع لباباكى وهو معاه كل حاجة جاهزة للجواز وتتجوزوا
انتى بكدة تعتبرى نفسك مخطوبة برده ولا ايه؟
يعنى لو جه حد هتقوليله انك مخطوبة ولا هتتخطبى له؟
انا عارفة انى ازعجتكم ولخبطتكم
لكن عاوزة حد يفهمنى
ممكن؟:sCh_christian pray3:
موكا2 موكا2 images/flowersavatars/avatar0031.jpg سوبر فتكات Fatakat 50725 القاهرة – مصر