اخواتى الجميلات المعذبات بغم كل ماتبذليه من جهد ومشقه وشفقه ورحمه ودعاء وعمل وبحث عن كل ما هو جديد وتجربة كل ما هو جديد
واذا كان فى امكانيات ماديه او مفيش الاحساس بالذنب تجاه ابناءنا والاحساس بالتقصير مستمر
دايما خايفه تكونى مش عامله اللى عليكى او ان يكون فى شىء جديد ومجربتيهوش او اتخارتى وكان ممكن تجربيه بدرى شويه علشان يجيب نتيجه افضل او لو كان معايا فلوس كنت عملت لابنى او بنتى العلاج الفولانى
او كنت ذهبت الى الطبيب اللى مفيش منه اتنين اللى جايب نتائج هايله
هل دائما تنظرى الى ابنك او بنتك وتسألى نفسك هل فعلت كل ما على تجاهج ام لا؟
لو هوه ده احساسك زى ى ياريت نتواصل ولو الموضوع شايفينه يستاهل ياريت التقييم علشان يتثبت
احنا امهات اطفال الاحتياجات الخاصه بعد فتره نفسيتنا بتعب ولو ملحقناش نفسنا وانتبهنا ممكن نصاب بامراض كتير
احنا محتاجين علاج نفسى بس مش فاضيين لاننا بنفكر فى اولادنا اللى محتاجين كل دقيقه من وقتنا
احنا بنضحى بكل ما نملك من صحه وفلوس وعلاقات اجتماعيه فى سبيل مصلحة اولادنا
احنا ماشيين فى الاتجاه السليم ولا لاء
الاستمرار بالشكل ده حيروح بينا لفين
اتمنى تقولولى رايكم
هل انا عايشه لوحدى فى الفراغ ولا ده احساسنا كلنا ؟
طيب ليه ميكنش فى ارشادات نفسيه لتحيسين حالتنا الصحيه زى ما بندور على ارشادات علشان اولادنا؟
وكله بيصب فى مصلحتهم فى الاخر
لو نفسيتنا ادمرت لو قصرنا فى حق نفسنا وفى حق ازواجنا بسبب تكيزنا على مشكلة ابناءنا
ممكن البيت لا سمحالله يتهد وممكن لو مقدرناش نوازن بين اولادنا ونعدل بينهم اطفالنا السلام تصيبهم امراض نفسيه
يا امهات ارجوكم فكروا فى اللى بقوله وردوا عليا او على الاقل ثبتوا الموضوع بالتقييم الجيد ويتطوع طبيب نفسى او اكتر بارشادنا واعطاءنا النصائح والتدريبات اللى مفروض نعملها علشان نكون اقوياء
ام لطفل توحدى ام لطفل توحدى فتكات نشيطة Fatakat 285304 القاهره – مصر