السلام عليكم ورحمة الله وبركاته
ازيكم يا فتوكات معلش بقى عايزة استفسر على كام حاجة كده
ههههههههههههههه لالالال هما حاجتين ما تتخاضوش
الاول بقى : انا مطلوب منى تحاليل دم ESR سرعة الترسيب يعنى وصورة دم كاملة وهرمونات غدة درقية
T4 و T3 و T.S.H
ورحت حللت بس كان عندى البريود ف هل هتأثر على نتايج التحاليل التلاتة دول ولا عادى؟؟؟؟؟؟؟؟؟
الحاجة التانية بقى
انا عندى القولون العصبى وعندى امساااااااااااااك مزمن كنت كل يوم بالليل باخد بيساديل حباية واحدة
ومش بتعمل حاجة بقيت باخد حبيتين كل يوم الاول جابت نتيجة وبعد كده زى ما تقولو الجسم خد عليا ومعدتش بتأثر
وخفت اخد 3 حبايات لانى قرات ان كتر الملينات ممكن تسبب شلل ف الامعاء
واتجهت للاكل بقى منعت الارز والمكرونة والعيش واشتغلت ف الملوخية والشوربة وأدلق نص ازازة الزيت ع السلطة وأكل نص علبة حلاوة طحينية ما انى مش بحبها واشرب لتر جهينة كامل الدسم وحاجات ما تتخيلوهاش
والنتيجة كل ده ما عملش اى حاجة
غير انى طخنت جدا ( سيبكو من الشريط اللى تحت ده من ايام زمااااااااااااان)
وقرأت لفتوكة قالت عن دوا لاكتيلوز وجبته وباخد 3 معالق ف اليوم والنهارده العلبة خلصت وبرضه تعبانة جدا
بجد الامساك صعب اوى وبصراحة سببلى شرخ وطول اليوم مش عارفة اقعد والم رهييييييييب
وطول الليل سهرانة من الوجع واروح انام ف السكاشن والمحاضرات
واخد ف مسكنات
ف ياريت لو حد عارف اى حاجة قوية تقولى عليا
ومعلش طوووووووووووولت جامد
استحملونى
ذات الرداء الأسود ذات الرداء الأسود 243028_1.gif فتكات متميزة Fatakat 243028 المنصورة – مصر