السلام عليكم ورحمة الله وبركاته
ازيكوا يا فتوكات
ارجوكم بالله عليكم عاوزة رايكم في موضوع مهم جدا بالنسبة ليا
انا نويت اعمل حقن مجهري بعد زواج دام 6 سنين بدون حدوث حمل ولا مرة
نظرا للظروف اللى فيها البلد قررنا نعمله في المنصورة علشان مش هينفع نسافر القاهرة او اسكندرية خصوصا انى منتقبة
المشكلة انى لما سألت قالولى روحي عند ناصر اللقاني وفعلا رحت وادالي حبوب منع الحمل واخد منى عينات دم علشان التحاليل
بس المشكلة ان المركز بتاعه شكله قديم جدا وخايفة موووت ان الاجهزة بتاعه برده تكون كده وقلقانة جدا ومش عارفة اعمل ايه
انا روحت عند احمد بدوي قبل كده وشفت مستشفته طيبة وهي فعلا فخمة جدا ونظيفة جدا ومعاه استاف كبيرلكن مش مريح في المعاملة قد كده
لكن ناصر اللقانى على الرغم انه رئيس قسم النسا في جامعه المنصورة الا ان المركز بتاعه زي ما يكون هوه لوحده اللى شغال فيه
شكله مش شكل مركز اصلا اللى يشوفه يقول عياده موديل سنة 79
وسمعت من ناس تانية عن حد اسمه احمد جبريل وناس بتشكر فيه برده وبيعمل عملياته تقريبا في طيبة
ارجوكم يا بنات ساعدونى ربنا لا يحرم حد من نعمه الذرية الصالحة
مفيش وقت قدامي غير اسبوع بس وبعد كده لازم اكمل كورس العلاج واخد الحقن
دلوني اكمل مع ناصر ولا اروح لجبريل
يارب اللى يرد عليا ربنا يفرج كربه ويزيل همه
اللهم ارزقنى الاخلاص اللهم ارزقنى الاخلاص فتكات متميزة Fatakat 470498 ميت غمر – مصر
سبحان الله و بحمده