السلام عليكم ورحمه الله وبركاته
زى منا كاتبه كده يا فتوكات .. تجربتى الغريبه …
ربنا يرزقنى يااااااااارب وكل مشتاقه للذريه الصالحه .. انا متجوزه بقالى سنتين وربنا مكرمنيش بالحمل خالص
رحت تابعت مع دكتور وقالى الحمد لله كان عندى شويه لغبطه واتظبطت بس جوزى عنده ضعف في عدد الحيوانات
المنويه وتشوهات وقله حركه .. راح لدكتور وانتظم على علاج والحمد لله العدد زاد شويه واتحسن ووصل ل 6 مليون
فالدكتور قالى نعمل تلقيح صناعى ونجرب .. وفعلا بدأت اخد منشطات من تانى يوم للدورة ورحت في اليوم 11 من الدورة الدكتور قالى عندك بويضتين وكويسين عطانى ابرة تفجير 5000 وقاللى بكره يروح جوزك يعمل العينه
وبالفعل راح وعملها وانا رحت عشان اخدها وكانت الصدمه !!!!!!!!
نتيجه العينه 400 الف وبعد غسلها وتنقيتها وصلت ل 100 الف حيوان منوى
من 6 مليون ل 100 الف …. اتصدمت وبقيت مش عارفه اعمل ايه وبقيت ماشيه في الشارع اعيط ومش عاوزة ارجع بيها
للدكتور لكن قولت خلاص اعملى اللى عليكي .. ورحت للدكتور ووريته العينه قالى خلاص ح اعملها
حرام اضيع عليكي مجهود وتنشيط ووقت ويا ستى يوضع سره في اضعف خلقه والنتيجه بايد ربنا .. وفعلا عملهالى
عملتها اول امبارح ومن ساعتها وانا تعبانه جدا جدا .. مغص شديد ومش قادرة اقعد ولا انام ولا امشي
كل الناس بتقول انها عمليه بسيطه وسهله لكن انا تعبانه جدااااااااا ومش قادرة
لما بامشي بامسك بطنى بايدي مش قادرة …. بالله عليكم ادعولى بالذريه الصالحه
وعسي ان تكرهوا شيئا وهو خير لكم … يا رب ارزقنى بالذريه يااااااارب
ايمي *لو ايمي *لو فتكات متميزة Fatakat 212068 alex – egypt