يا بنات انا تعبانة وموش عارفه فيا ايه بالظبط وزهقت من زيارات الدكتورة مابتفيدنيش بحاجه
انا والده من ييجي 10 شهور وبرضع ولسه لحد دلوقتي الدورة ماجتش وماشيه على الحساب ووسيلة العزل الاتنين سوا على ما الدورة ترجع واركب لولب
بقالى شهرين بيجيلي مغص زي بتاع البيرود من حوالى شهر ونص روحت للدكتورة وكشفت ومافيش لا التهابات ولا حاجه الحمد لله وقالتلى نعمل تحليل حمل فى البول والدم وطلع سلبي قلت يمكن الدورة خلاص هتيجي وقالتلى اخد برشام عشان الدورة تنزل بس انا خفت اخده
والتعب مارحش مني وبعدين من اسبوعين تلاته كان بيبقى فى زي نبض كده فى اخر بطني يروح وييجي ومغص بتاع الدورة على خفيف وقلت ده اكيد حمل وعملت من اسبوع تحليل حمل فى البول مرتين بين كل واحد يومين بس كان بيطلع سلبي
بس بقالي يومين المغص زايد و بتنزل مني افرازات زى الميا شفافه خالص وخفيفه
هو ممكن التحاليل دى كلها غلط ويكون حمل ولا دى اعراض حاجه وحشة بعد الشر ؟
ولا ديه اعراض عادي قبل الدورة ما ترجع مع الرضاعه ؟ لان عمرها ماتاخرت عليا الا وكنت حامل حتى بعد ولادتى الاولانية رجعت بعد 7 شهور وماتعبتنيش كده
ام مسلم حبيبي ام مسلم حبيبي images/avatars/peppers.jpg فتكات رائعة Fatakat 255859 البيت – مصر
سبحان الله و بحمده