شفتو يا بنات انا بولد قيصرى والمفروض انى فى الاسبوع ال37 دلوقتى وانا المفروض انى هاولد فى تبارك فيصل مع دكتور هانى عناية وهو عارف انى عندى فيروس سى وكان محدد لى معاد الولادة من يومين وطبعا هو ساب المستشفى بس بيولد فى واحدة تانية اغلى
رحت لدكتور هناك اسمه محمد على لما عرف من كارت المتابعة انى عندى فيروس سى طلب من تحاليل قد كده قبل الولادة نسبة الفيروس وهو موجود ولا لا ودم وبول وسيولة والله كانو ب 375 جنيه وبعدين الله يسامحه بعد كل ده يقولى اصل مش هاقدراولدك لان المستشفى بترفض استقبال اى حالة عندها فيروس سى
طيب بتطلب منى التحاليل دى كلها ليه لما انت عارف ان المستشفى بترفض اصلا يقولى اصل دكتور التخدير رفض علشان احنا ماعندناش معدات التعقيم بالمستوى المطلوب
امال اسمها مستشفى ولادة ازاى لما مش مجهزة منهم لله انا مش عارفو اعمل ايه ولا اروح لمين وانا خلاص فى اواخر التاسع والله محتاسة ومش عارفه اعمل ايه حسبى الله ونعم الوكيل
ميمو ام زياد ميمو ام زياد 82985_1.gif فتكات رائعة Fatakat 82985 الجيزة – مصر
سبحان الله و بحمده