السلام عليكم ورحمه الله وبركاته
ازيكم عاملين ايه يارب تكونو بخير يارب انتو وبيبهاتكم يارب
ويقومنا كلنا بالسلامه ياااارب
طبعا زى ماكتير منكم عارف انى غيرت دكتورتى اللي كنت هولد عندها لظروف كده طارئه والحمدلله علي كل حال
المهم انى روحت مستشفي الجلاء امبارح وكشفت بالسونار وكشف نسا طبعا
الدكتورة قالتلي الراس علي باب الحوض ومع المشي والحركه الكتير وسورى يعنى العلاقه الزوجيه بردو
بس انا طبعا عند مامتى ومش هينفع الحوار ده لانو بعيد عنى الفتره دى ومبشوفهوش اصلا ومنعزلين احسن بردو
يلاماعلينا فقلتلها انا هتحرك واطلع وانزل سلالم وباذن الله تنزل يارب..
بس لماكشفت سونار قالتلي انتى كنتى بتاخدى كالسيوم ايه قلتلها كال ماج
قالتلي ده زباله وضعيييييييييف جدا قلتلها ليه قالتلي لا متخفيش البنوته كويسه هى 2800 بس الحمدلله بخير
بس معرفش هى شافت ايه عشان خوفتنى بموضوع الكالسيوم ده
حتى ماتيرنا اللي كنت باخدو قالتلي ضعيف اوى بردو ومش حلو
اناحاليا فالاسبوع ال38 تالت اسبوع فالتاسع اهو ومستنيه الفرج ومعاد ولادتى بعد 10ايام
من1/3ل2/3 وربنا يكرم ياارب وتكون ولادتى سهله لانها اول مرة وانا مرعوووووبه سواء طبيعي ولاقيصري خايفه موت
عايزة حد يفهمنى ايه حوار الكالسيوم ده وهل ممكن يكون عضمها ضعيف او تتتاخر لاقدر الله فالحركه وكده
والله العظيم خايفه موووت عليها
وياريت اللي بتاخد كال ماج ده متخدوش وتجيب غيرو وبالله عليكم اللي لسه فالاول
تاكل كويس ومتعتمدش عالادويه الغذا افضل
ومتشربوش شاي بلبن للي مبيحبوش اللبن زيي
لا اشربي لبن بسسسسسسس وكلي بيض مسلوق لو بيضه يوميا
واغصبي علي نفسك معلش وربنا يارب يقومنا كلنا بالسلامه
وادعولي بقي لانى ممكن اولد فالجلاء بردو غصب عنى والله انا بترعب من المستشفيات وبقرف
كمان بس هعمل ايه حكم القوى
marwa_queen_obs marwa_queen_obs 632727_15.gif سوبر فتكات Fatakat 632727 القاهره – مصر