ولدت طبعا من كتر الهم والمشاكل اللي عندي يلا الحمد لله اناكنت كشفت اول يوم فالتاسع عند دكتوره اول مره اروحلها فقالتلي المشيمه نازله وقدامك شهر عالطبيعي وادتني حقن للمشيمه بس مخدتهاش
تاني يوم فالتاسع كنا يوم الوقفه على الساعه 2 بليل كدا حسيت بمغص رحت الحمام معرفتش اعمل حاجه ولما راح المغص حسيت اني مزنوقه اوي فرحت تاني المهم قبلها كان عندي امساك بقاله اسبوع المهم نمت بقه عشان العيد صحيت 4 ونص الفجر على مغص فظيع ورحت رجعت كل ال فبطني لغاية مجبت دم ومية صفرا وجالي اسهال فجاه بعد ماكان امساك مزمن فخدت بنادول للمغص ومعملش حاجه بقه المغص يجي مقدرش اقعد خالص بقيت اسجد وبقى كل ميجي اصوت بيجي دقيقه ويهدى دقيقه اجي انام دقيقه اصحى عالمغص اصوت وارجع انام وهكذا هههههههههههكان نفسي انام والله وماما ياعيني منامتش زيي بقت تصحى عالصويت وتقول يابنتي نامي اقولها دا طلق ياماما انا قريته على فتكات وحفظاه تقول ازاي يعني لسه قدامك شهر طب نزل ميه اقولها لا طب نزل علامه برضه لا يبقى نامي فضلت ع الحال دا والصويت لحد 9 الصبح بابايا جه من الصلاه قال يلا اوديكي تكشفي كنت رايحه وعارفه اني هولد وبقول لماما خديلي غيار تقولي غيار ايه بلاش هبل دي اول ولاده ليا على فكره المهم رحت فالدكتوره كشفت نسا قالت دا فاتح 4سم دي ولاده طبعا صوتت وهي بتدخل ايديها فضلت ساعه فالمستشفى وكزا وحده كانت بتولد معايا هما يصوتو وانا اصوت حطوني عالسرير ورجلي كل وحده ف نحيه وركبولي محلول يحمي الطلق و سبحان الله اليوم دا كله ولد طبيعي لان مكنش في دكتور تخدير اجازة عيد بقه لاني سالت الدكتوره على حقنة الابيديورال اللي بتتاخد وقت نزول الراس قالتلي مفيش دكاترة تخدير المهم على فكره الحقنه ملهاش لازمه لان محستش بفرق يعني بالعكس لما الراس بتنزل بترتاحي بس المغص بيفضل فيكي انا فضلت اصوت حتى بعد ماولدت لان الدكتوره بتدخل ايدها تطلع الخلاص فضلت اصوت وخيطتني واناحاسه بالخياطه قعدت اقولهم ادوني مسكن حرام عليكو انا حاسه بمغص وفضل المغص فيا لحد ماخدت حقنة مسكن وطبعا البنوته نزلت 2 كيلو الدكتور خلاني اديها صناعي لان اول 3 ايام منزليش لبن خالص والخياطه فضلت توجعني اول 4 ايام وبعد كدا في وجع بس اخف والخيط منزلش غير بعد اسبوعين فانا عاوزه اسال اللي ولدو طبيعي هو لو دم النفاس خلص قبل الاربعين ينفع يكون في علاقه ولا مينفعش وربنا يرزق كل الحوامل بساعه سهله يارب على فكره انادعيت وانابولد قلت يامخلص الروح من الروح خلصني ونصيحه متصوتيش ياما زيي لما تيجي الطلعه خدي نفس لتحت انا جيت فالاخر مبقاش فيا حيل ونصيحه تانيه بين الطلقه والتانيه خدي نفس وطلعيه بيريح اوي بس متصدقيش الي يقول اللي تولد طبيعي ترجع تمارس حياتها عادي لا دي بتحتاج راحه اسبوع زي القيصري بالظبط
وكان عندي خط الحمل اللي بيبقى بطول البطن لسه مراحش مني ياترى هيروح ولا ايه
ومتخافوش يابنات من الطبيعي انا لو هكرر الولاده تاني هختار طبيعي بتبقى تجربه ممتعه وبتحسي انك عملتي انجاز يعني بصراحه كل الناس حسداني وعلى فكره وجع الطلق بيبقى مغص فالبطن والجناب والظهر لما بصوت برتاح شويه
nonomeme nonomeme فتكات متميزة Fatakat 762906 قلب حب عمري – مصر ام الدنيا