حبايبى الفتوكات ……………. السلام عليكم
انا كنت وعدتكم بالموضوع ده
وانا جيت دلوقتى عشان اوفى بوعدى
وقبل كل حاجه ………………. ربنا يرزق كل المشتاقات باعراض الحمل دى
بصوا يابنات ؟؟……………………. انا حسيت باعراض غريبه جدا ……………. اول حاجه
1_كنت مش طايقه ريحه البرفانات …… وحاسه انها قويه جدا …. كمان ريحه قلى السمك (وده عرض تقليدى جدا )
2_كنت بحس طعم العصاير كانها مافيهاش سكر
3_الغريب جدا والنادر جدا انى جالى أرق ماكنتش بعرف انام الابعد الفجر بشويه كتار …… وده طبعا شاز عن الطبيعى لان المعروف ان الحمل بينيم جامد ………….. لدرجه انى لما قلت لاختى انى عندى ارق قالتلى تبقى مش حامل
4_بتلاقى لون ……….. اعزكم الله اصفر غامق خصوصا فى ايام الحمل الاولى
5_كمان بتلاقى ريحه ال……… اعزكم الله غريبه جدا زى مايكون ريحه دواء اوكبسولات مضاد حيوى
6_كمان بتلاقى نفسك بتروحى التواليت كتير……. كتير …… خصوصا فى الصباح الباكر
7 _فتره الشهر الاول ممكن تلاقى نفسك عندك اقبال غريب على الاكل …..هههههههه …… ماتقلقيش كله هايطلع على عنيكى لان الحمل بيسد نفسك من نحيه الاكل خالص من بدايه الشهر التانى
8_بتلاقى نفسك كل شويه عايزه تشربى ميه .. وتفضلى تبلبعى تبلبعى لحد الشهر التانى والله بقيت مش قابلاها خالص لدرجه ان الدكتوره عملتلى تحليل جفاف لما كنت مش بشرب ميه خالص فى الشهر التانى
9- لو صحيتى بدرى هتلاقى نفسك كده عايزه ترجعى على خفيف
10_دوخه خفيفه ……….. طول الشهر الاول … وارهاق من غير مجهود
المهم بقى ……………… نهجااااااااااااااااااااااااااااااااااااااااااااااا اااااااااااان حتى وانتى قاعده مش بتعملى اى حاجه فجأه كده تلاقى نفسك بتنهجى خالص
11_كمان هاتحسى عفوا ……. بغازاااااااااااااااااااااااااااااااااااااااااااااا ااااااااااااااااااااااااااااااااااااات رغم ان الجهاز الهضمى مش بيكون فيه تقلصات ولااى مشاكل بالعكس بتكون حركه الهضم سلسه جدا بفعل هرمون الحمل
12_واخيرا …….. افرازات لزجه بيضا ناصعه … اول مره تشوفيها فى حياتك …….. انتى من تلقاء نفسك هاتحسى انها اول مره تشوفيها
ودى يا حلوين بتكون عباره عن السداده المخاطيه اللى بتقفل الرحم مع بدايه الحمل .. ممكن يتساقط منها اجزاء وهى دى اللى انا بتكلم عنها
12_ تيجى لقبل الدوره بكام يوم تلاقى الاعراض بتاعتعا جت بس مع الم اقوى …. بالظبط كانها جايه … ورغم كده مش بتيجى
13_ بدايه من الشهر التانى بقى كده الترجيع يبدا وتلاقى حاله غممان النفس بقت قويه جدا معظم اوقات اليوم واحيانا ترجعى
14_ بديه من الشهر التانى نفسك ترفض الاكل حتى الاكلات اللى كنتى بتحبيها
15_واخيرا ياحلوين ….. بتلاقى نفسك بقى مش طايقه حد ……. خصوصا ( بابا البيبى ) هههههههههههههههه والله العظيم بجد
واخيرا يا حبايبى عايزه اقول ان الاعراض دى مش بالضروره تنطبق على كل الستات ….. ممكن ينطبق بعضها وبعضها لا
يعنى هى مش قواعد ثابته
يلا بقى ادعولى كده فى نفس واحد ……….. كلكم مع بعض ياعيال …………… ادعولى ربنا يكرمنى بالحمل ده لانه الحاجه الوحيده اللى بترجاها من ربنا …… مش عايزه غيره من الدنيا …… عشت طول عمرى بتمناه من ربنا … وربنا اكرمنى بيه .. ادعولى يكمل على خير
كمان ادعولى
انى ساعه الولاده ربنا يسترنى ومااتبهدلش …….. وربنا يبعد عنى الدكاتره الرجاله ……….انا متابعه مع ست … بس برضه ادعولى بالستر
يلا بقى مع السلامه واللى عايز حاجه يسألنى
عصفوره الربيع عصفوره الربيع 682182_2.gif فتكات هايلة Fatakat 682182 القاهره – مصر
سبحان الله و بحمده