كل سنه وانتو طيببين
هقولكوا اللى حصل بالظبط
انا من حوالى شهرين كده لاقيت نفسى ضربت ضربه ما يعلم بيها الا ربنا
جسمى زاد شويتين تلاته اربعه خمناشر تمناشر مش كتيير يعنى
المهم قولت يابت ما بدهاش لازم تخسى شويه بس بلاش تروحى لدكاتره ولا تشربى المر فى عمايل الريجيم انتى ظبطى
نفسك بنفسك والامور تبقى سبهلله وميه ميه
وفعلا عملت وبقيت اقلل فى اكلى والغى وجبة العشا اللى مضيعه ستات مصر كلهم واستبدلها بفاكهه او خضار طازه
ومفيش مانع برضو من شوية اعشاب على شاى اخضر كده يعنى
على رأى الهلال والنجمه الشىء لازوم الشىء
المهم انا طبعا قريت فى المدونة عن خلطه الجنزبيل والكمون والقرفه عملتها وجيت اشربها لاقيت نفسى ياأما
هموت من طعمها الرائع بصراحه من كتر روعتها دلقتها فى الحوض من اول بوق
المهم مره كده خطرت ببالى انى اعمل الخلطه دى ولما تبرد اخدها اصفيها وحطها فى الخلاط مع 2 حبة طماطم واشربها وعملتها ولاقيت طعمها حلو بصراحه ميه ميه
وزياده عن كده كانت بتسد معايا فطار يعنى مش بأكل بعدها الا الغدا
وبدأت وعلى مدار شهر ونص تقريبا كل يوم الصبح اشرب الاختراع ده
والنتيجه كانت
1 خسيت حوالى 13 ك
2 بقيت حامل لانى كنت مانعه الوسيله من 4 سنيين وربنا مارادش غير انه يحصل حمل من سنتين ومكملش
فطبعا وانا بشرب الخلطه دى ماكينتش عارفه انى بحضر لنفسى منشط قوى كده
3 بقى
من ساعتين اكتشفت انى حامل فى تؤام اه تخيلوا تؤام وانا اللى بقالى 4 سنيين نفسى فى فى حته عيل على فكره انا معايا ولدين ربنا يخليهملوى يا رب
وكل ده بسبب
الاختراع اللى اخترعته من غير قصد
طبعا انا من شويه كان عندى اسبهلال من اللى حصل
وقعدت افكر مع نفسى ده انا حتى ما أخدتش برشامه ايه اللى حصل
راجعت نفسى مالقيتش غير ان مفيش حاجه اتغيرت فى حياتى غير
كنت بشرب عصير الطماطم ده الصبح والشاى الاخضر
واهم حاجه كنت بستغفر كتيير علشان انى اكون حامل
والحمد لله حصل
دلوقتى انا طالبه منك حاجه يا فتوكه انتى وهى
اول حاجه تدعيلى انهم ينزلو سالمين معافيين ومايكونش فيهم حاجه وحشه يارب
تانى حاجه لو الموضوع عجبك امانه عليكى تقيمى
علشان فى 2 فى المدونة هيستفيدوا منه
اولا لو واحده حابه تخس فهتخس مع المشروب ده هيساعدها كتيير
وثانيا لو واحده نفسها ربنا يرزقها بالحمل فيكون سبب بأذن الله
بلقيس الجاحد بلقيس الجاحد 285766_6.gif سوبر فتكات Fatakat 285766 الفيوم – مصر