السلام عليكم
اعتقد ان كل البنات البتتجوز بيكون نفسها تحمل وتخلف — بصراحة معادا انا لانى اصلا تعبانة كتير جدا وكنت بتمنى اخف الاول وبعدها احمل
بس للاسف حملت على طول وطبعا نفسيا مكنتش مستعدة للحمل دة فمتقبلتهوش خالص وكان نفسى اسقط وكنت بحاول ابذل مجهود جامد وبردو مفيش فايدة زى ما يكون مكلبش بمسامير —– وللاسف البلد الانا فيها ممنوع الاجهاض تماماااااااااااااااا
بجد انا مش بتبطر على نعمة ربنا بس بجد انا فعلا كنت تعبانة من قبل الحمل
واستسلمت لللامر الواقع وفوجئت بقالى اسبوع متواصل معدتى بتوجعنى ال24 ساعة وصداع ودوخة ودوران مستمر وحركتى صعبة جداااااااا
ومش بقدر اقوم من السرير لانى بحس الدنيا بتلف وجسمى مكسر كأنى مضروبة علقة
الدكتورة قالتلى الضغط عندى واطى جداااااااا ومعطتش اهمية لحالتى وتعبى وفى السونار قالتلى البيبى محطوط فى كيس
ياترى هو كل البيبيهات بيكونوا فى كيس ولا انا بس ؟؟؟
وياترى كل الحاملوا قبل كدة حصلهم نفس الاعراض وعذاب متواصل ودوخة مش بتروح وبيتحركوا بلعافية —–
بجد انا بتعذب ومهما ما اوصف مرضى وتعبى مش حعرف اوصلكم احساسى
انا بقيت اشوف الدنيا كاروهات زى فى الافلام لما يجيبو حد مغم علية ويفتح عينة بيشوف الدنيا بتلف
لما بدخل الحمام او اجيب لنفسى كوباية مية ببئة عايزة اتنين يشلونى
مبقتش اقدر اطبخ ولا اعمل لجوزى كوباية شاى حتى — وساعات بيقدر واحيانا يقول انة حظة وحش انة اتجوز واحدة متدلعة بس انا من غصب عنى — وواضح ان الدكاترة فى الدولة الانا فيها دية اى كلام خالص
ياريت تقولولى الحملوا قبل كدة حصلهم الاعراض دية ولا انا بس — طمنونى ربنا يخليكوا
زينة الكواكب زينة الكواكب فتكات رائعة Fatakat 639101 اسكندرية – مصر