الفتوكات الجميلات المسمسيمات …,
بما اني صيدلانية وشغالة في صيدلية كبيرة شوية في منطقة فيها كل المستويات الاجتماعية اللي ممكن تتخيلوها أو لا تتخيلوها …, فأنا بتعرض لأسئلة كثيرة جدا عن استخدام الغسول المهبلي وعن أفضل نوع ممكن نستخدمة ؟؟ ونستخدمة علي طول ولا لأ ؟ طب اضرارة اية ؟؟ وليه لازم نستخدمة ؟؟
علشان كدة قررت اكتب لكم النهاردة وفي حدود خبريتي الصيدلانية الطويلة عن الموضوع دة :
أولا لازم نعرف ان منطقة المهبل من المناطق المعرضة بشكل كبير للعدوة سواء كانت ببكتريا أو فطريات أو بالأثنان معا حيث ان منطقة المهبل تتميز بأرتفاع درجة حرارتها وافرازاتها ودرجة رطوبتها مما يجعل الفرصة مهيأة بشكل جيد لنمو الميكروبات زي الكانديدا الضارة
من الطبيعي جدا ان توجد البكتريا في هذا المكانNormal flora واللي بنسميها Lactobacillus bacteria لاكتوباسلس بكتريا , البكتريا دة وظيفتها ان تعيش في المهبل دون أي مشاكل مرضية بمعني أخر انه الحارس الامين لهذا المكان لانها تفرز حمض اللاكتيك اسيد واللي بيخلي المهبل حمضي عند 4.7 pH أو 5 ودة بيمنع اي بكتريا أو فطريات مرضية أن تنمو في هذا المكان
عوامل تزيد من معدل الاصابة أو العدوي
استخدام المضادات الحيوية لفترة طويلة أو بدون وعي
استخدام الكورتيزونات في هذة المنطقة
استخدام وسائل منع الحمل الغير مناسبة
الحمل
ضعف المناعة بشكل عام
الملابس الداخلية الضيقة والغير قطنية
التشطيف بشكل متكرر بالماء العادي ( مياة الحنفية ) لأنة بيغير من درجة الحموضة وبالتالي تنمو انواع ضارة من الميكروبات
نستخدم الغسول المهبلي ولا لأ يا فتوكات ؟؟؟ وأي نوع نستخدمة ؟؟
طبعا لازم نستخدم الغسول المهبلي بشكل دائم زي استخدمنا بالضبط للفرشة والمعجون وغسول الوجة وكريمات البشرة , كمان منطقة المهبل تحتاج عناية خاصة جدا مش لمجرد التجميل والانتعاش ولكن للحماية من الاصابة اساسا
طب ازاي نختار الغسول المهبلي ومتي نستخدمة ؟؟
طبعا هناك انواع عديدة موجودة في الصيدليات مش أي نوع الصيدلي يعطية لنا نجيبة ونيجي , هناك أنواع قليلة هي التي تصلح للاستخدام بشكل منتظم وبشكل يحافظ عل ال pH عند 4.7 وكمان يحافظ علي البكتريا النافعة وكمان يقتل البكتريا والفطريات الضارة في الحال ويكون رخيص اهم حاجة
ممكن نستخدم صنف زي ريفرسا غسول مهبلي 200 ملي ب 14 جنية أو اكسترا في غسول مهبلي 120 ملي ب 21 جنية طبعا في انواع ثانية تنفع بردة بس سعرها غالي بدون داعي , ولو وجدتوا الصنف الاول دة يكون احسن هو لسة جديد شوية بس قوي جدا ورائحتة حلوة وهيحافظ علي الpH وNormal flora
طب نستخدمه كم مرة ومتي ؟؟
في الحالات العادية كوقاية ممكن مرة واحدة في اليوم صباحا او مساءا , طبعا اثناء الدورة الشهرية ممكن يستخدم اكثر من مرة في اليوم بدون تخفيف
دواعي الاستعمال :
اللي عندها افرازات غزيرة ولها روائح غير مرغوبة
اللي عندها حكة ( هرش ) وحرقان
اثناء وبعد الدورة الشهرية
وقاية من العدوي ( مرة واحدة فقط يوميا )
السن :
بداية من سن المراهقة حتي الحالات الكبيرة في السن
لا توجد لكلا الصنفان اثار جانبية أو موانع استخدام سوي الثلاث شهور الاولي من الحمل
لا تنسوا الدعاء والتقييم يا فتوكات لو الموضوع عجبكم
اسمحيلى يا قمر اضيف التعديل ده
الغسول المهبلى بيستخدم مره فى الاسبوع كوقايه مش مره فى اليوم عشان زى ما قلتى ما يقتلش البكتيريا النافعه ويخلى الجسم عرضه اكتر للاصابه بالالتهابات
وكمان عادى يستخدم اول 3 شهور فى الحمل بشرط انه يكون تشطيف خارجى
pharma2017 pharma2017 ممنوعة من المشاركة Fatakat 409920 القاهرة – مصر