السلام عليكم يا فتوكات
حبيت انقلكم خبرتي علشان اللي عندهم زي حالتي
انا كنت زائرة لفتكات وقررت اسجل علشان اقولكم ملحظاتي
قرأت وانا بدور شمال ويمين علي اسباب الاجهاض المتكرر
ما بين تكيسات لا اجسام مضادة فوجدت موضوع هنا عن
الدكتور عادل فاروق البيجاوي وقرأته كله ورحت تابعت قناة الصحة والجمال
وبعدين قررت ارحله وفعلا حصل وقدر الله ورحتله
وملاحظاتي بناء علي ما قراته بموضوع هنا علي فتكات
اولا :بالنسبة للرد علي الاميل فارسلت اليه 4 رسائل وجائني الرد عليهم
ولما رحت العيادة عنده سالته حضرتك اللي بترد علي الرسايل قالي ايوة
ثانيا: كان فيه اخت قالت العيادة هنا ولا المستوصف وقزرة ومعرفش ايه؟
بالعكس العيادة كويسة صحيح العدد كبير وطبيعي يكون فيه دوشة
يعني الدكتور مدخلوش شيئ في الدوشة دي دا سلوك شعب واللي نفسي اسال عليه
هو يعني منسوب للدكتور انه عنده دوشة يعني هيعمل ايه يجيب سكاته ويخرج يحطها
في بؤ الناس طبيعي زيادة العدد تعمل دوشة انا لا مع ولا ضد بس الدكتور ايه علاقته بالدوشة
ثالثا:نظام العيادة عنده اولا بترحي تاخدي دورك ممكن لحد خمسة الفجر تلاقي دورك
الكشف 150 جنيه هناك بيتعملك التحاليل المطلوبة وتاخديها قبل ما تدخلي له
هناك دكاترة تحت ايده بيسألك شوية اسئلة الاول وعلي اساسها بيطلب منك التحاليل ان وجدت
بعد كدا بيكشف عليكي دكتور عادل ومعاه ممرضة هي اللي بتضع لك جهاز السونار وهو لا ينظر اليكي
وبعدين بيوصف لكي الدواء وعنده دكتور صيدلي بيعرفك تاخدي علاجك ازاي وبالظبط.
حبيت افيدكم بما مر عليا هناك وربنا يرزقنا وكل مشتاقة يا رب ويكون موضوعي دا سبب لراحة الجميع
وسبب بعد تقدير ربنا في حملي وحملها .
اتمني ان يجعله الله سبب شفائي وشفائكم
اي سؤال او استفسار انا تحت امركم
فانا لسة في اول المشوار معاه في العلاج ومقدرش احكم لسة دلوقتي
ولكن احنا مع بعض كل تجربتي هقولهالكم وهدفي مساعدة كل فتوكة باذن الله
ولا تنسوني من صالح دعائكم بالشفاء والحمل السليم المعافي
واللي عنده تكيسات واجسام مضادة تفيدني بخبرتها بردوة
**سلمي** **سلمي** فتكات حبوبة Fatakat 683352 القاهرة – مصر