السلام عليكم ورحمة الله وبركاته
ازيكم يا احلى مدونة ف الدنيا
يارب تكونوا بخير يارب
نفسى حد يساعدنى بجد
انا فتوكه صغنونة لسه
لما كنت صغيرة كان جسمى تحفه والدى كان بيحب مظهرى جدا لانى كنت اكتر واحده رشيقه ف اخواتى وكانت اى حاجة ممكن تريق عليا ودى حاجة كنت بشكر ربنا عليها كتير وخصوصا انى بشرتى سمرا من النوع اللى مش بيريق عليها اى حاجة سبحان الله والله ^_^
المهم ابتديت وزنى يزيد وانا ف تالتة اعدادى كان عمرى لسه 14 سنه
ووصل وزنى ل 59 كيلو تقريبا كانت صدمه بالنسبالى بجد
بس بردو كان شكل جسمى ما اتغيرش طلعلى بطن بس مش باين عليا اى حاجة الهدوم ياما بتدارى بقى
و ماكانش ف دماغى اى حاجة جيت تعبت ف مره وخسيييييت اوووى
واول ماصحتى ردت تانى بالمناسبه كان دور لوز وسخونيه بس
تخنت تانى بقى بس اكتر دلوقتى انا عندى 15 سنه وف اولى ثانوى وصل وزنى ل 69 كيلو طبعا اللى تشوف كده تقول دى دبه لكن انا من النوع اللى جسمى زى مابنقول بالمصرى ملموم
بس والدى متضايق جداا من حاجة زى كده
ووالدتى بتشجعنى انى اتخن اكتر بأكلها التحفه اللى مابقدرش اقاومه ده
ما اقدرش اقولكوا قد ايه متضايقه من حاجة زى كده
كنت بسيب نفسى من غير فطار الصبح وانا ف المدرسة ويبقى فطارى ميه وبس
وطبعا دا كان بيخلينى دايخه ومش مركزه بغبائى يعنى
وكنت بصوم كتير عشان ما اكلش الصبح واما اجى افطر اكل حاجات عبيطه كده كنت بدوخ كل دوخه ودوخه
انا مش متعقده من شكلى ولا حاجة بالعكس انا بحب البنت تكون مليانه مش شبه البرص كده
بس 69 كتيييييير وغلط عليا صحيا وانى اوقات كنت بتضايق اوى لما الاقى حاجة مش جايه على مقاسى لانى تخينه
انا بمشى كل يوم ولو فضيت ف يوم بلعب رياضه الصبح
بس الله يخربيت الثانوية وفترة المراهقه دى بتخلى الواحد يبقى شبه الفيل
نفسى حد يفدنى ويريحنى بجد
ولو حاولت احرم نفسى من الاكل والدى بيتجنن من كده اووى
والمشكله انى بتغدى ع الساعه 11 12 بليل
بسبب طبيعة شغل والدى اهىء اهىء
واى حد يشوفنى يدينى 17 سنه تقريبا وان وزنى تقريبا حاجة وخمسين ومايعرفوش اللى فيها
نفسى ف اى حاجة اعملها تحسسنى بأى تقدم ولو كان بسيط وتناسب سنى ارجوكم حد يساعدنى وجزاكم الله كل خير وشاكره ليكم اووى ^__^
Miss soso Miss soso 498940_1.gif فتكات حبوبة Fatakat 498940 القاهرة – مصر