ازيكم يا فتوكات ؟؟
عملت امبارح موضوع عن بدايه بدء حمله" هنخس حتي لو في الشتا "
اسم غريب مش كده
اصل احنا في الصيف موديلز و في الشتا دبب و اتوبيسات
و ده لينك الموضع اللي عايزه تاخد نبذه عن فكره الحمله
https://fatakat.univanet.com/#4809057
نظام الدايت بتاعنا بسيط جدا
اسمه الصيام العكسي (اكيد سمعتي عنه يا فتوكه )
اللي مش سمعوا عنه هو عباره عن نظام دايت ناجح جدا مع اللي جربوه
و هو انك هتصومي كل يوم بالعكس يعني من بدايه الساعه 5 المغرب كده هتبطلي اكل و تصومي
عن الاكل بس قبل 5 المغرب هتاكلي كل اللي انتي عايزه و باي كميه نفسك فيها (بس مش تزودي اوي يا فتوكه )
اول ما الساعه تيجي خمسه هنعمل stop 
و نبطل اكل تماما مافيش حاجه تدخل فمك حتي لو
مثال لنظام الدايت :-
طبعا ده مثال يعني مش هنمشي عليه بحذافيره
و ده نظامي انا
بصحي الساعه 10 افطر علي 10 و نص اي حاجه عايزاها و بـأي كميه
الساعه 1 و نص كده كنت باكل جزره او خياره
او اي فاكهه حابه اكلها
و الساعه 4 اتغدي اي حاجه انا عايزاها
و بأي كميه برضو (بس كنت باكل معلقه و نص رز)
و الساعه 5 الا ربع كنت اكل خياره (و ده كان غلطه في نظامي بس ده لاني كنت بفطر متاخر )
و الساعه 5 stop
و كنت بشحن مياه هههههههههه
بس الحق يتقال كانت بتخفف احساسي بالجوع
و انام الساعه 2
لكن حاليا بنام 11 و الدراسه هنام 10
في نقط معينه لازم تحطيها في دماغك
1-لازم تنامي 10 ساعات يوميا
2-تشربي 8 مج مياه يوميا
3-الصيام من الساعه 5 عن الاكل بس مش المياه يا فتوكه خدي بالك دي نقطه مهمه
4- مش معني انك هتاكلي كل اللي نفسك فيه انها هتبقي هيصه بقي لا انتي هتاكل كل تلات ساعات
يعني مثلا فطرتي الساعه 10 يبقي اي حاجه هتدخل بقك تاني هتكون بعد تلات ساعات يعني الساعه 1
5-الكميه في الاول هتكون open لكن بعد ما تندمجي في الدايت هنبدا نقلل بس متخافيش
مش هتتعبي في النقطه دي لان كل حاجه تاتا
6-لو هتقدري تمارسي الرياضه كل يومين نص ساعه يبقي اشطات اوي يا مزه و هيفرق جامد معاكي
7- الحلويات هنقللها يا فتوكه علي اد ما تقدري يعني يكفي يوميا شوكلاته او كيس شيبسي
في حاجات كده هتكون معنويه يعني ليكي انتي بسيطه اه بس بتفرق (لو مش عايزه تعمليها عادي ميضرش)
1-حاولي توزني نفسك كل اسبوع (هيفرق يا فتوكه في روحك المعدنيه )
2-لو عندك بنطلون ضيف او بلوزه مش بتخش فيكي اوعي تشحتيها او ترميها
قسيها كل فتره و انتي هتحسي انها قربت تدخل فيكي (هتفرحي اووي لو لقيتي انها بدات تدخل)
3-متخرجيش من البيت لمده شهر و لما هتخرجي هتحسي ان كلهم لاحظوا انك نزلتي وزنك
حتي يا بنات لو وزنتي نفسك و لقيتي انك نزلتي كيلو واحد (نادرا ما يحدث) مش تياسي و كملي
لازم تعرفي ان ده مش دايت دي هتكون حياتك لازم دي تفضل طريقه اكلك طول عمرك هي سهله و بسيطه
و كمان عشان نفضل مزز و سمباتيك طول العمر و مش نقلب اتوبيسات
مش هنسبها زيطه كده لا انتي لازم تحطي هدف لوزن معين عشان لما تحسي انك قربتي ليه
تفرحي و تكملي
الموقع ده هايل هيحسب وزنك المناسب لكي و كمان كتله جسمك
https://www.reem4you.com/weight.html
بعد ما تعرفي وزنك المناسب يبقي هتتحدي انتي عايزه توصلي لكام كيلو حتي لو في زياده كتيره مش تيأسي
النظام بتاعنا بيخسس اكتر من 5 كيلو اسبوعيا و يا سلام بقي لو عملتي نص ساعه رياضه كل يومين هيكونوا 7 باذن الرحمن
ممكن لو حابه تعملي سيرش عن نظام الصيام العكسي و انتي هتلاقي التجارب بتاعت الستات و البنات و تشوفي معانتهم مع السمنه و حاليا يعنوا من النحافه
لو عايزه تشتركي اكتبي في كومنت و حطي التوقيع ده
و اكتبي تحته طولي …. و اكتبي هدفي …. و بين قوسين محتاجه تنزلي اد ايه
و جمبهم بعد الاشتراك وزني ….
لو حابه تتباعي معايا نظام الرياضه هنزل موضوع بليل عنه و عن اهم التمارينات و اللي هيخسسك
caty22 caty22 603712_9.gif سوبر فتكات Fatakat 603712 الاسماعيلية – مصر