السلام عليكم ورحمة الله وبركاته
بسم الله الرحمن الرحيم
انا اول مرة اكتب فى القسم هنا ومكتبتش غير لما عرفت انى محتاجة تغيير بجد وحبيت افدكم بالكتاب اللى معايا
باختصار كده انا طول عمرى مش بحب التقيد فى النظام وامشي بالملي والجو ده و30 جرام وقطعة شريحة النظام ده مبيكولش معايا من الاخر هههههههه
بس بصراحة برده نظام المقتوح مع التقنين عاوز صبر وخبرة واردة وفى الاخر بيكون النزول بطئ انا فاهمة كويس انه ده الصح بس بصراحة كده انا من النوع اللى مبيصبرش يعنى لما يمر اسبوع واتنين وتلاتة وانا بخفف والاقي الحصيلة كيلو انا بزعل لان مشوارى طويل بقول هفضل لحد امتى مش هخلص بالمنظر ده
ده نظام ينفع لما بعد خسارة الوزن ساعتها هقدر اتحكم فى نفسي بالمعلومات اللى عندى بأمر الله
لكن فى التخسيس محتاجين شوية همة ونشاط وسرعة برده
انا برده كنت مقتنعة انه مينفعش اخس اكتر من كيلو فى الاسبوع بس بصراحة كده انا لا بخس لا كيلو ولا نص بعد مكافحة مع النفس مش اوى يعنى
بس بقول فى الاخر انا من النوع اللى لو اديته خطوات واضحة هيمشي عليها فعلا انما لما تتساب ليا كده على البحري باختيارى لا اخرج عن نطاق ثبات الوزن لانى بمشيها رياضة تحرق الاكل فقط انما دهون تتحرق لاء
فعشان كده وبعد الرغي ده كله رجعت لكتاب دكتور عادل عبد العال بعد مالفت لفتى فى المدونة وتهت بصراحة بين الانظمة اللى منهم عملته قبل كده فعلا وجاب نتيجة بس حاسة انى نحست منه
وبما ان اغلب الانظمة الايام _كل يوم مختلف يعنى عن اللى قبله _ فالتزام بالتزام بقى طلعت الكتاب وسميت الله ودعبست كده عن نظام كان عاجبنى وهو بينزل على كلام الدكتور يعنى 45 كيلو فى ست شهور والناظم مبدئيا ممتاز جدا
بس انا لازم اجرب حاجة سريعة المفعول الاول عشان الثقة لان دماغي انشف من راس الخروب ومبعرفش اعمل حاجة الا لو ثقت فيها مية فى المية عشان اقدر التزم واجيب اخرى ههههههه
فالمهم جبت الكتاب اهو قدامى وهكتبلكم منه دلوقتى نظام المفروض بينزل عشرة كيلو فى اسبوعين والله لو نزلت ما يقارب من الرقم ده يعنى من 5-10 كيلو هكمل على بركة الله رجيم الست شهور منزلتش يبقى هحرق الكتاب ده ههههه او ارجعه على الرف مكان ما كان قاعد مع زملاته
عاوزة تشجيع يا بنات وتققيم يا عسولات
انا كده كده هكتب طبعا لانه لوجه الله بس حسسونى انكم معايا كده يا مزز
ملاذكرد ملاذكرد 439598_7.gif فتكات رائعة Fatakat 439598 مصر – مصر
سبحان الله و بحمده