السلام عليكم ورحمة الله وبركاته
ازيكم يا احلى عرايس يارب تكونوا بخير
احب اعرفكم بنفسى انا اسمى رضوى باعتبر نفسى عروسة جديدة بما انى لسة ما خلفتش وحبيت افيدكم
اولا الاجهزة الكهربائية
التلاجة LG 18 قدم….. كلمة تحفة قليلة عليها جميلة جدا ككفاءة وكتصميم وكشكل خارجى
الفرن كريازى القديم …. بصراحة من خلال خبرتى انضف حاجة فى السوق
الغسالة توشيبا فوق اتوماتيك رووووووووووعة وبتنضف وبتحتاج مسحوق عادى وواسعة وبتشيل وكمان ليها مدخل للمية السخنة بتسحبها من
سخان البيت مش فيها سخان داخلى بس حبيبيتى حبيبتى يعنى
الفرن الكهربائى احسن بكتير من الميكروييف واصح كمان …. انا بتاعى SHARP ولونه اسود هو حلو اوووى فى البيتزا والكيك والتسخين وفك
التلج بصراحة مش باستغنى عنه بس حاسة ان فى احسن منه مش عارفة ليه
الديب فريزر بتاعى كريازى وحلو اوووووى ومش بيعمل تلج وسلفتى عندها الاسكا وجامد اوى بردو بس شكل الاسكا احلى من كريازى
لكن فى الكفاءة الاتنين حلوين
المكنسة الكهربائية بتاعى باناسونيك بس جيبتها برميل مش التمساح وبصراحة لووووووووووز حلوة جداااا ومش كل شوية انضف الكيس لا
بتقعد كتير وبتشفط جامد وعسولة كده
المكواة طبعا باناسونيك ومش محتاجة اى كلام فيها
الشواية بتاعتى كينووود وحلوة اخر حلاوة بس ممكن يكون فى احسن منها بس هى مريحانى
ده بالنسبة لللاجهزة
بالنسبة بقى للميكب حاولوا ما تجيبوش برفانات كتير لانك بتزهقى بعد فترة وبتبقى عاوزة تجددى انا كنت جايبة 12 واحدة وندمت
وهاتى بودرة بجليتر للجسم رووووووعة وبتعمل شغل وبردو هاتوا تاتوووه الجسم بس مش الاسود لا الالوان وبيعمل شغل جامد
وبعدين هتفهموا
بالنسبة للبس الشتوى مش هاتكلم فيه لكن الصيفى كترى من الكاش مايوووه تحفة بجد وانا عن نفسى ندمت لانى جيبت كل بيجاماتى
البنطلون بتاعها سكينى من اللى بيلزق فى الجسم هو بصراحة سيكسى اوى بس يخنق يعنى نوعى بين بناطيل عادية وسكينى تمام كده
وقمصان النوم هاتى الوان السيكسى ما تجيبيش اى الوان وخلاص وحاولى ما تكتريش لان عينك هتزوغ بعد الجواز
وهاتى بيبى ليس اصلى عشان شعرك جميلة اوى وبتريح بس اتاكدى انها اصلى عشان شعرك مش يبوظ
وطبعا لازم براون معاكى وجهاز الشمع لو انتى خيبة زيى فى السويت
ولازم تعملى حمام مغربى وحمام عطرى قبل الفرح بيفرق جامد وبتحسى بنضافة وانتعاش
اه بالنسبة لمفرش السرير بلاش المنفوش لانه مش عملى خالص وبيتحط مرة واحدة لا هاتيلك واحد تركى كده مودرن بيبقى شيكى
وممكن تستخدميه بعدين فى اى وقت
نيجى بقى للتعامل
لو انتى فى بيت عيلة انصحك تحطى اسس من الاول عشان اهل جوزك هيتدخلوا فى حياتك ومش هيسيبوكى فى حالك
ونصيحة اللى بتشتغل اياكى تسيب شغلها والله هتندم وخصوصا لو فى بيت عيلة زى ما قلت
وبالنسبة ليوم الفرح افرحى وانبسطى وما تفكريش اليوم بيعدى ما تقلقيش بس انتى خليكى ريلاكس وانبسطى وافرحى
وفى الاخر الف مبروك لكل العرايس ولو احتجتوا حاجة انا فى الخدمة
Dody free Dody free 649916_1.gif فتكات متميزة Fatakat 649916 القليوبية – مصر