السلام عليكم ياقمررررررات
طبعا فيه بنات كتير بتجهز دلوقتي وعاوزة تجيب كل حاجه حلوة انا هقولكوا خلاصه الاماكن الي لفيييت عليها في كل حته وامبارح نزلت فين وجبت ايه
بصوا انا روحت درب سعاده ومول الازهر من كتر ماسمعت عنهم هنا وروحت حمام التلات وروحت ماركتو وروحت كارفور وروحت تيوليب وفي الاخر بقي استقرريت علي ايه
درب سعااااده ومول الازهررررر
والحلل اولاد نصااااار (الاستالس -التيفال)
امبااارح بقي نزلت درب سعاده
اول حاجه روحت لااولاد نصااااار قولتلهم عاوزة حلل تيفال سافلون وحلل استلس كوركماز
وبقيت اقوله ع المقاسات واختار الالوان لاقني فاهمه كده قالي انتي جايه عن طريق فتكات قولتله اه فتكات بقت ليها سمعه في كل حته
اخترت بقي حلل التيفال و الاستالس والتيفال شكلها وهمممم يابنات والله تحفه ومن جواها شبه السيراميك لو عرفت انزل الصور النهارده هنزلها عارفاكوا بتموتو في الصور زي
جبت مقاس 18ب185
مقاس 26ب275
مقاس 30ب385
القلايات جبت مقاس 28ب210
مقاس 28ووك ب185
لبانه مقاس 16ب 195
ومقلايه كريب ب 120
ندخل علي الاستلس بقي كوركماز
مقاس 16ب130
مقاس 20ب170
مقاس 24ب220
مقاس 32ب375
مقاس 40ب565
طقم كنك استالس تلت قطع ب 185
برادين شاي ب 265
كده خلصنا الحلل
للامانه اولاد نصااار محترمين جداااااااا جدااااااا وناس عارفه ربنا بجد
ومفيش فصاااال انا خدت فاتورة من عندهم ب 5000 الحمدلله خصملي في الاخر 40 جنيه كتر خيرهم جوهم علي نفسهم اووووي بس بجد حاجتهم روعه روعه كده خلصنا من الحلل
الصيني والاركوبال والاركوبيركس عليكي وع الشركه السوريه
في مول الازهر في الدور الارضي اول محل عنده حاجات شيككككك ومميزة جدا جدا
واسعاره جمييله ومفيش فصااااال
وسورين كلهم ومحترميين جداااااا
وجبت بلاستيكات صغيرة ورفايع كتير من عندهم تحححفه
وطقم الحمااام
وطقم سكاسكين الليزر ب 325
وطقم البهارات الدوار جميلللللل جدا وعندهم تشكيلات تحفففه
والمعالق روووعه
وجبت حاجات كتير من عندهم
والدور بقي الي فوق فيه كاسات والكوبيات الشوب حاجات جمييله جدااااوبصراحه المكان هااادي ومش زحممه زي الاماكن التانيه وعلي فكرررة كل الحاجات الي بنشوفها في المولات والحتت دي وبتعجبنا هناااك زيها بالظبط واررررخص بكتير لاني كل المحلات اسعار جمله وهما الي بيوردوا اصلا لحمام التلات والاماكن دي
هيعجبكوا كل حاجه بجد هناك
ادعولي ربنا يتتملي علي خير وعقباااال كل البنااات ياااااارب
اسماء حبيبة مصطفي اسماء حبيبة مصطفي 470218_4.gif فتكات رائعة Fatakat 470218 مع حبيبي 🙂 – مالكوش دعوه 🙁