الموضوع دة انا لخصت فيه كل اللي العروسة تحتاجه في يوم دخلتها وهي رايحة الكوافير جمعت كل كلام الفتوكات في موضوع واحد علشان اسهل الوصول والاستفادة
اولا:قبل الدخلة بيومين اعملي سويت او شمع والمنظقة الحساسة احسن حل الحلاوة
ثانيا:يوم الدخلة الاستغفار والدعاء والصلاة ميتقطعوش طول الوقت
ثالثا:الحاجات اللي هتاخديها معاكي الكوافير:
الفستان
الطرحة
البدي او الكاش مايوه ولو كان خفيف خدي بدي خفيف تحتيه
برا بيضة
اندر ابيض
ليجن ابيض
الصندل او الجذمة
الاكسسوارات شاملة الحلق الخاتم ولوحبيتي خلخال خفيف
العدسات
علبة دبابيس بيضة صغيرة وكبيرة ودبابيس هدوم احتياطي
البرفا والاسبراي ودة يترش تحت الفستان علشان البقع
الموبايل ويكون مشحون ودة هتسيبيه لصاحبتك او حد من اهلك
فلوس احتياطي علشان لو ناقصك حاجة
اكل وعصير علشان الهبوط متنسيش نفسك
ابرة وخيط ابيض ودول مهمين علشان لو حاجة اتقطعت لاقدر الله
شنطة كبيرة تلمي فيها كل دة ومعاها اكياس علشان الحاجات اللي هتتقاع تحطيها فيها
مانكير لو كان عاجبك
فوطة صحية احتياطي ويارب ماتحتاجيها
فوطة صغية علشان لما تغسلي وشك تنشفي فيها افضل من حاجة الوافير علشان العدوي
معجون اسنان وفرشة علشان تغسلي سنانك قبل المكياج
طباشير علشان بقع الفستان لاقدر الله ممكن تخفي بيه العيوب
البطاقة الشخصية
مناديل ميكب
صابونة وكريم مرطب
رابعا:حاجة حابة بس اقولها لعلها تديكي اطمئنان يوم الفرح سمعتها من واحدة صاحبتي قبل ماتلبسي الفستان علشان الميكب اغسلي وشك وسنانك ولو محتاجة كريم مرطب لايدك او وشك او رجليكي واتوضي وبعد ماتخلصي الميكب قومي حاطة اي حاجة عليكي وصلي ركعتين لله سمعت انهم بيخلوا الواحدة تطمن وترتاح نفسيا
خامسا:لحد ماجوزك ييجي كلي اي حاجة عصير وسندوتشات خفيفة واستغفري كتير جدا
سادسا:في الفرح خليكي مبتسمة واوعي تضيعي فرحتك كوني متاكدة انك عروسة شيك وان اهلك وجوزك فرحانين بيكي ومتقلقيش سيبي كل حاجة لوقتها
سابعا:لما توصلوا الشقة واهلك يمشوا قومي خدي دش واتعشوا وصلوا ركعتين وادعوا دعاء بدء الجماع وسيبي كل حاجة عليه وان شاء الله تبقي ليلة العمر زي مابيقولوا
انا كدة خلصت كلامي دي خلاصة اللي انا فهمته من الفتوكات حبايبنا ويارب افيد واستفيد واللي عندها اي حاجة تسال عنها تقولها او حاجة تحب تضيفها علشان الكل يستفيد بجد ربنا يجزينا كل خير ويفرح بنات المسلمين جميعا ويجعل حياتهم سعيدة برضا الله واتباع دينه واوامره
aya Ghoneim aya Ghoneim فتكات جديدة Fatakat 1136329 المنصورة – مصر
سبحان الله و بحمده