ازيكو يا احلى فتوكاااااااااااااااااااااااااات
يا رب تكونو بخير وصحة وعافية
عايزة اوريكو الكبسة بالدجاج او اللحمة اللى بعملها بس دى بالفراخ
ومش قادرة اقولكو بتطلع لذيــــــــــــــــــــــــذة اد ايه
اولا شوفوا شكلها بعد ما خلصت وبعد كدة هقولكو المقادير
بصلتين كبار او تلاتة
معلقة بهارات كبسة
3م زيت
2م سمنة
شوية ملح وفلفل
2ليمون جاف اسود
1 عود قرفة
ربع م ص كركم
مقدارك العادى من الارز البسمتى منقوع فى ميه وملح
فرخة متقطعة نصين ومتنضفة
اولا بشوح البصل الكتير فى سمنة و زيت لحد ما لونه يتغير شويه
وبزودله شوية ميه لما يحمر عشان يبقى طعمه مسكر والعمليه دى اسمها كرملة يعنى بخليه بصل كراميل
وبفضل كل مايشرب الميه ازود شويه لحد ما يبقى لونة كله بنى كدة
بعد كدة بشيل تلت ارباعه فى طبق وانزل بالفراخ على شوية البصل اللى فى الحلة
واقلبها ويس لحد ماتاخد لون بنى وهتبقى مسكرة ولذيذة مووووووووووووت
شايفة لون البصل غامق ازاى فى الحلة .. بس هو دة سر الطعم اللذيذ
وبعد كدة انزل عليها بالبهارات ماعدا الكركم واقلبها شوية
وازود المية واسيبها تستوى وبعد ماتستوى ادخلها الفرن تاخد لون حلو كدة
وانزل الرز فى الحلة واظبط الميه تكون فوق الرز بمقدار عقلة صباع واحط الكركم واشوف الملح بتاعها واسيبه لحد مايشرب ميته
وبعد كدة اهدى النار عليه خااااااااااالص لحد ما يستوى كويس
نغرفها فى سيرفيس كبير ونرش عليها البصل اللذيذ وفوق خالص الفراخ
( السيرفيس مش قد المقام عشان انا مش فى بيتى انا متغربة برة مصر )
وبكدة نكون عملنا احلى كبسة من ايدينا
وتقدرى تزينيها على زوقك زى ماتحبى بالمكسرات المقليه
شوفتى الحلاوة
ومتنسوش التقييم اللذيذ برضو عشان كل البنات تستفيد
ومش عايزة اتقل عليكو بس محتاجة دعواتكو
مواضيع هذا القسم برعاية
mema hassan mema hassan 668280_5.gif فتكات هايلة Fatakat 668280 الدوحة – قطر