السلام عليكم ورحمة الله وبركاته
ازيكوا يافتوكات انا حبيت اعمل الموضوع دة بصراحة للاستفادة
لان كل واحدة عايزة تعمل مجهرى بتبقى عايزة معلومات كتير تفيدها وتهدى كمان نسبة التوتر بالقراءة او بالكلام
طبعا لازم تكون الحالة النفسية كويسة لان دة بيساعد فى العلاج بس بصراحة الواحد متوتر غصب عنة بس الواحد بيحاول يقلل شوية من نسبة التوتر
افضل حاجة لتقليل التوتر وبث الطمانينة فى النفس هى قراءة القران سبحان الله
ودى نبذة مختصرة عن الحالة سريعا :
انا متزوجة من 7سنوات وماحصلش ولا مرة حمل
وعملت اول سنة جواز عملية قرحة فى الرحم
وزوجى عمل عملية دوالى
وبعد كدة ابتدينا انا وهو علاج لمدة حوالى سنتين
وماحصلش حمل
عملنا تلقيح صناعى مرتين وماحصلش نصيب
وعملت اشعة بالصبغة بعد اول تلقيح صناعى وبعدين عملت تانى بعد الاشعة بتالصبغة
ودلوقتى بقالنا سنتين مابنخدش رعلاج ولا اى حاجة
لاننا كنا خلاص قررنا الحقن
والحمد لله ربنا وفقنا وابتدينا الحقن
وطبعا لازم
1- صلاة استخارة لو تقدرى كل يوم
2- الاستغفار اى عدد انت وزوجك
3- قراءة القران كاملا من اول بداية اعلاج يعنى كل يوم جزء تجعلية ورد يومى لك
4-قراءة سورة البقرة يوميااو سمعها
5- قيام الليل لو ركعتين فقط والاستغفار والدعاء بعدها
6- وطبعا الصلاة على اوقاتها وبالذات صلاة الفجر لان الكل بيبقى نايم فى الوقت دة
وبالنسبة للاكل :
ودة قبل العملية من شهر الى 3 شهور لغاية يوم العملية انت وجوزك
والمفروزض ان الحاجات جدى تبقى ممنوعة على طول
1-ممنوع اكل المعلبات والمواد الحافظة بانواعها
2- ممنوع اكل الفراخ البيضا
3-اكل اسماك وجميع انواع البحريات وخضار وفاكهة
4-اكل العسل وتمر على الريق
وممكن النوعين دول يتمنعوا بعد الزرع بالنسبة للزوجة
ان شاء الله النهاردة هبتدى معاكوا اول خطوات الحقن المجهرى وهو التحضير
تحضير الزوج :
دكتور الذكورة كتب لزوجى :
فينوروتون مرتين فى اليوم
جنين القمح مرة واحدة
وسيلينيوم اى سى مرة واحدة ودة لمدة حوالى شهر لغايت يوم السحب
تحضير الزوجة :
هنبتدى اول خطوة وان شاء الله كل جديد هنزلوا ان شاء الله
انا روحت للدكتور يوم الثلاثاء 26/8/2015
ودة كان اليوم 14 للدورة
وتم الكشف بالمنظار المهبلى بعد كدة الممرضة سحبت حوالى 5سم من الدم للتحاليل شاملة
وادونى علبة الحقنواخدت اول حقنة هناك الحقن تتاخد بالمواعيد ممكن فبلها بساعتين او بعدها بساعتين
ودى صورتها
وباخد تلت الحقنة كل يوم وعملين علامة على الحقنة توضح الجرعة الى تاخد
والحقن دى قالوليلى هتفضل معاكى لغاية يوم العملية
وكانت دى اول جرعة 540 جنية
وقالوليلى اروح تانى اليوم التالت للدورة ان شاء الله
عشان نبتدى جرعة المنشط ولاتنسوا الدعاء بالذرية الصالحة لكل الى زينا
تطورات:
موعد نزول الدورة الشهرية خاصتى
#52
بداية اول جرعة بعد الدورة
#48
العلاج وتهئية الرحم
#48
صور الادوية اللى اخدتها
#63
التحضير لعمليه السحب قبلها بيومين
#48
عملية السحب ومابعدها والتعليمات
https://forums.fatakat.com/showpost.p…6&postcount=71
عملية الزرع
https://forums.fatakat.com/showpost.p…7&postcount=72
نزول افرازات بنى فى اليوم التاسع لزرع الاجنه
https://forums.fatakat.com/showpost.p…6&postcount=88
الاجابة على نزول الافرازات
https://forums.fatakat.com/showpost.p…2&postcount=98
اية رفعت اية رفعت سوبر فتكات Fatakat 886917 محافظة مطروح مدينة مرسى مطروح – مصر