السلام عليكم ورحمه الله وبركاته
ينفع كده اللى عملته العضوه سفروووته دى عملت لانشون بالزيتون بيتى حكايه وده على غير العاده يعنى سفروووته ايه دى اللى تعمل لانشون ويطلع ما يختلفش عليه اتنين وبالصور كمان اصل انا هيجينى عقد فى الحسن والحسين قريب هتشهر باين
يلا ندخل فى المفيد
اللانشون جبت طريقه من هنا
المكونات
4 بيضات
4 مثلثات جبنه نستوه
4 معالق دقيق
1 معلقه نشا
2 مكعب مرقه دجاج
ربع كوب زيت
فصين توم
حبهان
زيتون اخضر
ربع معلقه روز مارى عند اى عطار اوعى تلوى بوزك من اولها
نقطه دم غزال او باربيكا اى حاجه عشان اللون
الاول الجبنه مع البيض فى الخلط يتضربوا ضربا مبرحا وبعدين تضيفى كل اللى يقدرك عليه ربنا من مكونات كلها يعنى وتضربى ضربا مبرحا برده يطلع تضيفى الزيتون المقطع ورشه الفلفل الاسود تكونى مجهزه حله فيها ميه بتغلى على النار وتكونى مجهزه علبه سمنه النص كيلو دى فاضيه تحطى الخليط جواها وتحطيه فى الميه السخنه وبعد ساعه الا ربع تطلعى وتستنى شويه وتقطعى وبالهنا والشفا وادى الصور
وطبعا الطعم واللون بالظبط بتاع بره وانضف واضمن واتجرب فى فاره التجارب بتاعتى بنت اخويا رورو اربع سنين ندهتلها قولتلها تعالى كولى اللانشون اللى ابوكى حرمك منه قالتلى الله هو بتاع بره قولتلها اه قالتلى عشان كده جميل هههههههه ضحكت عليها والله قالتلى كده بالظبط
دى بقى حته للى هتر او تقييم انتوا وضميركوا بقى
مواضيع هذا القسم برعاية
حبى لربى اكبر حبى لربى اكبر 255084_1.gif سوبر فتكات Fatakat 255084 القاهره – مصر