السلام عليكم
انا عاوزه دكتورة تغذيه ترد عليا فى الموضوع ده اذا سمحتم
انا وزنى 55 كيلو و طولى 152 سم و عاوزه انزل وزنى 8 كيلو مع العلم انى ما باكلشى كتير خالص هى وجبة الفطارو الغدا و الغدا لما برجع من الشغل يعنى على 7 بالليل و بعدها باكل اى حاجة خفيفة و انام
يعنى المفروض انى اخس او على الاقل وزنى يثبت لكن اللى حاصل انى بزيد اه بمعدل بطئ بس بزيد ده غير انى بمشى حوالى نص ساعة يوميا مشى سريع عشان لو فكرتوا ان مبدأ الرياضة مش موجود لاء ده موجود و موجود كل يوم
نيجى بقى للموضوع اللى قلقنى انا قريت على النت ان لو فى مشكلة فى الغدة الدرقيه و ان فى هرمون معين هو اللى بيساعد على خفض الوزن و هو بيفرز من الغدة الدرقيه و ان عدم افرازة هو اللى بيخلى الواحد ما يخسش
كمان قريت ان اعراض الاصابة بالغدة الدرقيه :
ارتفاع ضغط الدم و بطء ضربات القلب و خشونة الشعر و الجلد و اختفاء الجزء الخارجى من الحاجب و تورم حول العينين و اصفرار الجلد و اختناق العصب الاوسط لليد و تأخر ردود الافعال العصبية و تمدد القولون مع الامساك الشديد و تضخم بعضلة القلب
و فشل فى وظائف القلب " بل ان السجلات الطبية يوجد بها حالة فشل كامل لوظائف القلب فشل بها العلاج وكان مخطط لها زرع قلب فى الولايات المتحدة الامريكية إلا ان خمول الغدة الدرقية اكتشف فى اخر لحظة وشفيت تماما بالعلاج بهرمون الغدة الدرقية دون اى جراحة"
الكلام ده كلو لقيتوا فى مواقع طبية
المقلق فى الموضوع ان معظم الاعراض عندى تقريبا ما عدا موضوع القلب ده
فالمفروض دلوقتى اعمل ايه يعنى اعمل تحاليل ايه او اخد ادويه ايه مش عارفه و انا كمان موسوسة فى موضوع التخن ده و لما بزيد نص كيلو نفسيتى بتتازم
ارجو من دكاترة التغذيه هنا انهم يفيدونى
كريستن ستيوارت كريستن ستيوارت 282625_3.gif فتكات هايلة Fatakat 282625 القاهرة – مصر