السلام عليكم و رحمة الله و بركاته
اخواتى حبايبى اعز فتوكات
انا مشكلتى انى رحت للدكتورة علشان الدورة كانت اتاخرت عليا حوالى 50 يوم و الدكتورة طلبت منى تحاليل هرمونات ، هرمون الحليب و الغدة الدرقية و lh و تحليلات تانى
الدكتورة طلبت منى التحاليل دى فى الفترة الى اتاخرت فيها الدورة و بالظبط قبل ما تنزل الدورة باسبوع
و قالتلى بعد ما تعملى التحليل تاخدى حقنة تنزل الدورة كل يوم حقنة
و عملت زى ما قالتلى و لما استلمت التحاليل كانت برده لسة الدورة مشرفتش و كانت نتيجة التحاليل بالنسبة لكل الهرمونات الغدة الدرقية و هرمون الحليب كويسين
الا تحليل ال LH كان نسبته عالية جدا كان 15 و الدكتورة قالتلى يااااااااااه انتى عندك كدة تكيس جامد و نسبته عالية جدا
علما بان الدكتورة قبلها بخمس ايام كانت عملتلى سونار و قالتلى الرحم زى الفل و مفهوش اى حاجة و ممكن تكون متاخرة بس نتيجة لخبطة فى الهرمونات
الحاجة التانية انا اول حمل ليا كان من اول يوم جوازى و تم على خير وولدت ولاده طبيعية و بعدها ب 3 سنوات شيلت اللولب و بعدها بشهرين حملت و برده كان حمل طبيعى جدا وولادة طبيعية و مكنتش بشتكى من حاجة خالص
لما شيلت اللولب المرة دى اتاخرت الدورة و محصلش حمل و لما رحت للدكتورة حصل الى حكتهولك
انا عاوزة اعرف ازاى يكون يجيلى تكيس فجأة و بالنسبة العالية دى
و كمان انا قريت ان لازم تحليل العرمون يكون تانى او ثالث يوم الدورة فهل لما عملت التحاليل قبل الدورة باسبوع ممكن تكون النتيجة خاطئة
انا من ساعتها و انا محبطة جداااااااااااااااااااااا و مش عارفة اعمل ايه و نفسى احمل ادعوووووووووووووووووووولى
يا ريت الى عنده فكرة يطمنى الله يجازيكم كل خير يا رب منتظرة ردودكم و دعواتكم ان ربنا يكرمنى بالحمل الشهر ده و يرزقنى الولد الصالح البار
نفسى فى الجنة نفسى فى الجنة فتكات حبوبة Fatakat 664836 الجيزة الهرم – مصر