السلام عليكم ورحمة الله وبركاته
اخواتى الاعزاء امبارح نزلت اشترى بعض الطلبات للبيت وانا طالعه على السلم وشايله بنتى عندها 6 شهور
فجاة جالى الم لا يحتمل فى اخر ضهرى من جهة اليمين وكانت بنتى حتقع من ايدى قعدت على السلم وطلعت سلمه
واستريح وسلمه واستريح وجالى ضيق تنفس وصوتى راح اول ما دخلت باب الشقة وضعت بنتى على الارض وصرخت من الالم
وبعد كده اخد مسكن كتافلام وارتحت شويه وعرفت اتنفس لكن الوجع فضل مستمر فتره وبعد كده الحمد لله وبليل بنتى اللى عندها
4 سنوات نامت فاشلتها احطها فى سريرها جالى نفس الالم واقعد اصرخ واعيط وخد تانى مسكن انا مش حاقدر اروح اكشف
علشان زوجى بيشتغل بليل وكل الدكاتره بتيجى بليل ومش حا قدر اروح لوحدى علشان مش حاقدر اشيل بنتى الصغيرة
وطلبت من زوجى يودينى رفض رحمتك يا رب اصل هو فى منتهى الغباء وليس عنده قلب و اهلى بعيد عنى جدا وولدتى مريضة وانا
ما رضيتش اقولها انى تعبانه بالله عليكم ادعولى بالشفاء ولو اى اخت تعرف ايه هو الالم ده انا مش عارفه اوصفه فى ناحية جانبى اليمن
من الضهر يا ترى هو ده مكان الكله ولا اياه يعنى اسفل جانبى اليمن من ناحيه الضهر ادعولى ربنا يشفينى علشان
اولادى الصغار
طالبة من الله الجنه طالبة من الله الجنه فتكات هايلة Fatakat 1074663 الجيزة – مصر