كل سنه وانتم بخير يااجمل صحبه دنيا ودين
ربنا يديم المحبه والموده ما بينا ان شاء الله
حنعمل شويه تحضيرات عشان العيد وده لانى مش عايزاكم تقضوه فى المطبخ
عايزين نكون برنسيسات فى العيد
ونقول بسم الله لا قوه الا بالله
دى اللحمه الشمبرى اللى حنحمرها بفتيك
بنخرمها بالسكينه ولو تخينه شويه ندقها بالهون شويه
وهنا بنحضر ميه بصل وبهارات لحمه وملح وفلفل ونسكبها عليهم ونقلب كويس جدا
اهى ما شاء الله جاهزه لانها تتشال فى اكياس فى الفريزر
الكبددددددده
دى كبده بانيه بس انا مش حقدر اتبلها لان الكبده البانيه بتدوب فى الشوى لو تبلتها فتره كبيره او بمعنى ادق لو فرزتها
بشيلها فى اكياس فى الفريزر
ومعاها كبده اسكندرانى متبلاها وجاهزه على القلى على طووووووووووووووول
اللحمه المفرومه
ودى قسمتها بلس من غير تحضير لانى لسه مقررتش اعمل بيها ايه
ودى فراخ بانيه تغيير مه الواحد بيزهق من الحمه بسرعه ومتبلاها وجاهزه للقلى او الشوى
دى تقسيمه اللحمه البفتيك على رقمين لان عندى عزومتين
ودى اكياس عصاج جاهز للتسخين
ولحمه شوربه ولحمه صوانى وطبعا كبده
وقطعت مانجه شرايح وحطيتها فى اكياس عشان لما احتاجها اطلعها واضربها بالسكر والميا فى دقايق تكون جاهزه
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره