اولا السلام عليكم ورحمه الله وبركاته تانيا انا حاولت كتير اكتب فالمحتاره ومعرفتش
فقولت خلاص امرى لله واكتب فالفضفضه
انا عندى مشكله والحمد لله الذى لا يحمه ع مكروه سواه هيا ان جسمى مشعر جدااااااااااااااااااااااا
والله العظيم زى الرجاله يعنى من اول صباع ريجلى لحد رقبتى المشكله كمان انى بلاحظ
انه بيزيد يعنى بيطلع شعرات سمره وكتير مكنتش موجوده اصلا بجسمى وعملت تحاليل الهرمونات وتابعت فتره مع دكتور نسا ودكتوره جلديه والحمد لله مطلعش ف اى مشكله فالهرمونات او تكيسات او اى حاجه ودكتوره الجلديه قالت ليا ممكن من الاكل الفراخ والاكل اللى بناكله كله هرمونات ممكن جسمك بيتاثر بيها وحلى الوحيد هو الليزر وطبعا الليزر مكلف جدا يعنى حسبتها لقيتها فالجلسه تقريبا 5000 جنيه كل شهر او كل جلسه بس والله كمان بقالى ييجى 3 سنين بجرب كل الوصفات بعد معمل السويت احط زيت او نبات السعد ومره شبه ومره ليمون ومره زيت زتون وكريمات اللى بيقولوا عنها بتخفف الشعر وكل ده ولا لقيت فرق بل العكس الشعر بيطلع اتقل وجذوره اسود وكمان الحمد لله السويت بتخلينى اخر دم وبتشيل طبقات من جلدى بفضل بعديها والله ييجى 3 اسابيع ع ملون جلدى يفتح تانى يعنى الشعر بيطلع وايدى بتكون لسه مخفتش من الحروق اللى فيها والبراون بتخلينى اخر دم والله كمان لان الشعر تخين انا اسفه والله انى طولت عليكم بس انا كنت هكبر دماغى واعمل نفسى عبيطه ولا كانى شيفاه بس سمعت امى كذا مره تقول لبابا دى لو اتجوزت هتتطلق لازم نلاقى ليها حل وكمان مره اخويا الكبير قالى ورينى رجلك كده لان ماما مكبره الموضوع عشان اشوف حل لسه بوريه اتخض ورجع بظهره لورا وتنح لمراته هههههههههههههههه بجد ساعتها بس حسيت ان الموضوع كبير ههههههه اللى عاوزه اخد رايكم فيه بقى ف دكتوره نسا قالت ليا ع حبوب اسمها Dian 35 قالت ليا خوديها 3 شهور الشعرايه هتطلع اخف وكمان بيدوه ف علاج حب الشباب بس هو اصلا مانع حمل وقالت ليا انه مفيهوش خوف بس دكتوره الجلديه قالت ليا لاء لانه عباره عن هرمونات وممكن ياثر عليا لانى بنت ولسه متجوزتش بس بجد انا مخنوقه وخايفه لانه برده خطيبى مره كان بيفرجنى ع حاجات ع المويايل لقيته تنح ليا كده ف وشى وبعدها بشوى لفت نظرى انى اهتم بس والله انا بقدر الامكان بحاول انقذ مايمكن انقاذه مش مهمله والله بس ده انا بتكلم ف جسمى كله مش ايد ورجل فياريت اللى تعرف حاجه عن الحبوب دى تفيدنى وهل فعلا ممكن تاثر ع الحمل وكمان من اثارها انها بتتخن يعنى هتخن فتره ال 3 شهور دول بس وارجع تانى لحجمى ولا هتخن ع طول ياريت تفيدونى بالله عليكم
والله ياجماعه عملت التحاليل مرتين ف اكبر معامل وتابعت مع دكتور رئيس قسم نسا فالجامعه واختى اللى قالت ليا اجرب الشفره ده انا بالسويت بينبت بعدها ب3 ايام بالشفره بقى هيطلع وانا بعمله ههههههه والله هم يبكى وهم يضحك بجد كمان خايفه لان خطيبى نضيف جدا وبيتقرف جداااااااااااااااااااا يعنى لا قدر الله ممكن يتقرف منى
h_chemistry h_chemistry فتكات حبوبة Fatakat 334838 tanta – egypt
سبحان الله و بحمده