السلام عليكم ورحمة الله وبركاته
ازيكم يارب تكونوا بخير ….. يارب يكون فى معانا ع السايت طبيبة قلب او صدر عموما
بصوا انا بقالى فترة طويلة اوى بيجيلى خنقة وانا نايمة وباقوم فجأة من النوم مفزوعة وضربت قلبى بتبقى سريعة جدا لدرجة انى بابقى حاسة انى خلاص هاموت وعلى طول ضغطى واطى جدا بيبقى 70 على 40 وحاليا الفترة دى بقى ينزل اوى وبقى 60 على 20 وبيتعلقلى محاليل
المهم روحت لدكتور قلب او صدر وعمللى رسم قلب وقاللى ان منظم ضربات القلب مش شغال كويس وقاللى ان الزمن بين النبضة والتانية من نبضات القلب 6 مربعات رسم بيانى والمفروض ان الشخص الطبيعى 3 مربعات بس وكتبلى حقن اسمها اتروبين بس مش لاقيتها فى السوق خالص وبصراحة عندى امتحانات حاليا والدكتور كمان سافر ومش طايقة اروح لدكاترة تانى
لانى كمان نفسيا تعبانة اوى ومش عارفة اميز اذا كانت الخنقة دى من المنظم ده ولا تأثير القلق والتوتر اللى عايشة فيه
المهم سؤالى يا ترى ده حاجة خطيرة وممكن تأثر عليا فى المستقبل ؟؟؟ لانى بابقى تعبانة اوى خصوصا ان الخنقة دى بتزيد بدل ما بقت تيجى بالليل بس بقت ليل ونهار وبقت تجيلى وانا فى الكلية وانا فى هندسة وشغلى كله عملى ومجهود ومش قادرة اذاكر وبردو مش عارفة انام ومش عارفة ده حاجة نفسية ولا المنظم ده لازم يتعالج ياريت لو دكتورة تقدر تفيدنى واكون شاكرة جدا وجزاكم الله خيرا
Radwa_love Radwa_love images/avatars/peak.gif فتكات متميزة Fatakat 310532 القاهرة – مصر