الاول يافتوكاتى نصلى على الرسول ونسمع القصة دى ونفهم منها معنى
الاخوة فى الله
كان فى يافتوكاتى
راجل عادى جدا بس بيشتغل ف غسل المتوفيين وكده
دخل عليه ف يوم قبل الفجر بفترة واحد متوفى ومعاه اهله
وشاف معاهم واحد عمال بيهدى ف والد المتوفى ده وفضل يخرج الناس من اوضة الغسل
وبعد ماكل الناس خرجو حتى والد المتوفى
هوا فضل يعيط جااااااااااااامد
وبحرقة اوىى لدرجة ان الراجل مكنش عارف يركز لأن طبعا فى ادعية
بتتقال وقت الغسل وبعد مازهق سألوا
– انت صاحبو؟؟؟
– لا مش صاحبو
– طيب قريبك؟؟
– طيب كنتم اخوات؟؟
انا وهوا كنا مع بعض ف كل مراحل عمرنا
دخلنا الحضانة مع بعض
وطلعنا ابتدائى مع بعض
وكملنا ف الثانوى مع بعض
وكنا بنروح ونيجى من المرسة والدروس مع بعض
وف سنة تالته جبنا مجموع واحدودخلنا الجامعة مع بعض
فنفس الكليه وكنا بنقعد ف نفس المدرج
واتخرجنا من الكلية مع بعض فنفس السنه
واتعيينا مع بعض فنفس المصلحة الحكوميه
وقعدنا مع بعض ف نفس المكتب ف المصلحة دى
وكنا بنقبض نفس المرتب
ولما حبينا نتجوز اتجوزنا اتنين اخوات
وسكنا ف نفس العماره
ف نفس الدور ف شقتين قصاد بعض
اليوم اللى نتغدى فيه ف شقته نتعشى ف شقتى
لما كنت بتزنق ماديا مكنتش بلاقى غيره وهوا كمان
مزعلناش يوم من بعض
لما كنت اقدم على معصية كان بيمنعنى ويقوينى على عدم فعلها
ولما احب اعمل حسنه كان يشجعنى وكنا بنعمل كل حاجة كويسة مع بعض
مسبناش بعض ف اى لحظة
وف الاخر سابنى ومشى من الدنيا
الراجل زعل اوى واتأثر لدرجة انو عنيه دمعت من غير ما يحس
وقعد يهدى في الراجل ده
وكمل الغسل
الامام بقى لما جه يصلى عليه
بيبص وراه لقى كمية ناس رهيييييبة
عمره ماشافها قبل كده الناس دول فى كتير منهم مكانوش يعرفو المتوفى ده
ولكن ده كان علشان سمعته الطيبة
مع ان الصلاة دى كانت الفجر وكمان كانت فمكان بعيد عن بيت المتوفى
والناس ف الوقت ده بيبقو نفسهم ينزلو يصلو الفجر جمب البيت ويدوب يطلعو يكملو الحلم
المهم
دفنوه وخلاص
الراجل اللى غسلو جالو
متوفى
والتانى
والتالت
وعلى العصر كده
جالو متوفى رابع
رفع الغطا كده
وبص
حس انو شاف الوش ده قبل كده
رجع كده بذاكرته افتكر ان الوش ده
هوا اللى كان عنده الفجر مع الشاب اللى كان متوفى
شفتم يافتوكات
قد ايه كانو بيحبو بعض قد ايه
لدرجة ان الصاحب مقدرش يكمل اليوم من غير صاحبه
هيا دى بقى الاخوة فى الله
وهوا ده معنى الحب فى الله
ها عرفتى بقى اجابة سؤالى اللى ف العنوان؟؟؟
ياترى هل عندك اخت فى الله؟؟
ღ حجابى عزتى ღ ღ حجابى عزتى ღ 231678_21.gif فتكات رائعة Fatakat 231678 فتكات – مصر