السلااااام عليكم ورحمة الله و بركاته
اولا : وحشتونيي جدا جدا
ثانيا: انا عملت كشري يا رجالة
انا الصراحة اول مرة اعمل كشري ف حياتي
و نفسي فيه موووت ف قلت اجرب في مين طبعا ملقتش الا جوزي حبيبي اجرب فيه
مش كفاية لت و عجن و نبدا بقى
يلا بينا
اول حاجة هنجهزها
**الحمص**
الحمص مبدئيا نقعاه من امبارح و النهارده سلقته عادي جدا في ميا و لما اتسلق حطيت معاه معلقة توم مفروم و ملح و كمون و ربع كوباية عصير طماطم و نسيبة يغلي كمان غلوة و نطفي عليه و كده يبقى خلص
و ادي صورته
و دي بعد م استوي و خلص
و بعد كده هنسلق العدس عادي
و ده بعد م استوي و صفناه من الميا
و كمان سلقنا المكرونة ف ميا و لما تغلي بنحط الملح و حبة زيت صغنتتين انا هنا عملت مكرونة مقصوصة الصغيرة اوي دي و اسباجيتي
و دي بعد م خلصت
نعمل بقى البصل المقرمش او بلغة المحلات الورد
نقطع بصلتين كبار كده د انا عيطت عياط بسبب البصل ده يلا مش مشكلة
و بعد ما نقطعة نرش رشة دقيق و نقلية في زيت غزير على البارد عشان يقرمش
و ده الشكل النهائي مقرمش و جمييييل
دلوقتي جه الدور علي الصلصة
نصفر توماية و ننزل عليها ب معلقتين خل و نسمع احلى تششش
و ننزل بالطماطم المعصورة و بصلاية نونو مبشورة و نسيبها تتسبك ع الهادي
و لما تتسبك نحطلها ملح و فلفل و شطه و نص كوب ميا و حبة بهارات نونو
و ده شكلها النهائي
و دلوقتي بقى هنعمل الكشري
بالزيت اللي اتبقى م البصل نحمر فيه الشعرية
و نحط المياه و ملح و ننزل بالرز و العدس و لما تتشرب نوطي على الاخر و نسيبه يستوي
نحضر بقى الدقة انا عندي برطمان فيه توم مفروم و معاه فلفل مفروم خدت منه معلقة مع حبة ميا و لمونة و خل و كده هيبقى عندنا احلى دقه في الدنيا
يلا نغرف بقى نحطالاول الكشري و بعد كده المكرونة و الصلصة و البصل و في الاخر الحمص
اهوووووووو
مواضيع هذا القسم برعاية
fatma mido fatma mido 687631_3.gif فتكات متميزة Fatakat 687631 alexandria – egypt