السلام عليكم
فتوكاتى حبيباتى انا كنت دوهول فى المطبخ ولما اتجوزت وسى السيد قالى قومى يا حلوى يا بلحة يا مقمعة اعمليلى اكلك الحلو (اصل انا قبل ما اتجوز كنت اساعد ماما يعنى احشى معاها المحشى واقولوه تسلم ايدى صح اعمل سلاطة مثلا واقولوه الاكل طبعا يجنن ) كدا يعنى
المهم كل ما كنت اجى ادخل المطبخ اطبخ حتى لو كنت هسلق فرخة اتصل بماما واسالها
المهم حبييت اعمله كفتة مشوية لان مامته استاذة و رئيسة قسم فى الكفتة
استرجلت كدا وشربت بريل غسيل الاطباق ودخلت المطبخ
وطلعت اللحمة المفرومة والسر بقى فى حتة اللية بتاعة الخروف دى والله هى دى السسسسسسسسسسسسسسسسر
جبت حتة صوغنتوتة قد صوابعنا كدا وبشرتها على اللحمة المفرومة بالمبشرة العادية خالص بس اهمممممممم حاجة تبقى متجمدة فى الفريزر علشان تعرفى تبشوريها والى بتقول يععععععععععععععع وريحتها وطعمها اقسم بالله مهتقرفى منها اصلا مش هتحسى بيها زى ما اتنى متخياه هى بيتدى ريحة وطعم خفيف قومى بس انتى اشربى بوق بريل واسترجلى وجربيها
وبعدين ابشرى بصالاية حلوة كدا علشان هى الى هتطرى الكفتة وممكن بصالتين ورشة ملح ورشة فلفل اسود واعجنيها باديكى الحلوين المغسولين وهاتى صنيتك ومتحوطيش ولالالالالالالالالالالالالالا نقطى زيت ولا سمنة الصنية بس وصبعى واعملى حسابك انها بتكش شوية ودخاليها الفرن اه ونسيت اقولكم هاتوا الصنية الى هنستخدمها ليها غطاء او ممكن تغطوها علشان لما تستوى وهى لسه فى الفرن هتجيبى فحماية وعلى عين البوتوجاز وتحميها معلش هنعمل فيها الواد زونقور القهوجى وبعدين تسخنى حتة سمنة صوغنتوتة وتوسعى مكان فى الصنية وتحوطى الفحماية وفى ايد تمسكى الغطاء وفى ايد تانية الطاسة الى فيها السمنة وتطوشيها وتقولي يا كفتتى يا كفتتى يارب تبقى حلوة يا كفتتى وتقفلى الغطاء وقتلاقى كل الدهون نزلت فى الصنية من تحت ودوقى
وادعيلى بالله عليكى ربنا يسبتلى زوقلوت الى فى بطنى ويقومنى بالسلامة واى استفسار اوعى تترددى متسالنيش لانى مش هرد مواضيع هذا القسم برعاية
dorytos dorytos 66685_4.gif فتكات نشيطة Fatakat 66685 المنصورة – مصر