حبيباتي الفتوكات
اول موضوع مصور انزله
كنت دايماً اشوف ابداعاتكم واتعلم منها
وأكلي قبل كده كان حلو
بس مع وجود فتكات في حياتي ووجودكم طبعاً بقى حاجة تانية
ودلوقتي لازم انا كمان اقولكم فكرة تنفعكم زي ما نفعتوني كتير
أنا بنتي في كي جي 1 وكانت بتطلع عيني في السندوتشات
وكان بيصعب علي انها مش تاكل كويس لحد ما ترجع
فقررت
…..
……
…….
……..
لازم اعمل ثورة انا كمان
سميت كده وشغلت الدماغ
وقولت لازم افيدها وابهرها في نفس الوقت
وقلت حاعمل سندوتشات بطاطس ملونة
آه ملونة
جبت عدد 2 بطاطس
وواحدة جزر كبيرة
وعيش شامي (( انا جبت بتاع ريتش بيك ))
وشوية كاتشاب
قطعت البطاطس صوابع بالقطاعة المشرشرة دي
وقطعت الجزرة بنفس الطريقة
وحطيتهم في طبق فيه مية مغلية و2 معلقة خل
((انا دايما باعمل البطاطس كده عشان تبقى مقرمشة))
وبعد ربع ساعة حمرتهم عادي جداً
وطلعوا بالشكل ده
وبعدها فصلت وش العيش عن الجزء اللي تحت
يعني كل رغيف بيعمل 2 ساندويتش
وفردت كل نص في طبق بالشكل ده
وحطيت عليه البطاطس وعليها الكاتشاب كده
وبدأت الفهم رول
وممكن انتي بقى تحطي الحشو والإضافات اللي تحبيها
انا حطيت جبنة شيدر
وده بقى الشكل النهائي للسندويتشات
وطبعاً عجب بنتي جداً وقالتلي سندويتشات ماما احلى من بتاعت بره
ودي كانت احلى مكافأة لي
قولولي رأيكم في الفكرة دي
ولو عجبتكم حاقولكم على افكار تانية كتيرة
تخلي أولادك يحلفوا ان مافيش احلى من سندويتشاتك
مواضيع هذا القسم برعاية
omjudy omjudy 156446_3.gif فتكات هايلة Fatakat 156446 القاهرة – مصر