ازيك يابت انتى وهى
بصو بقة امبارح بعد اجماع جميع الاطراف المعنية اتجمعت
(والله انفع فى السياسة بفكر اتقدم للترشيح للرئاسة )
هههههههههههههههههه
الموهييييم قرروا انهم عاوزين ياكلوا مسقعة
عملتلهم مسقعة البتنجان بالحمة المفرومة بس بطريقة مختلفة
شوفوا كدة
اولا جبت البتنجان وقطعته شرايح رفيعة بالطول زى كدة
وبعدين رصيته فى صنية الفرن و دهنته بالزيت بالفرشة
وشويته فى الفرن علشان يبقى خفيف ومش شارب زيت خالص
مش لازم يتحمر اوى علشان مينشفش بس يدبل كدة ودا شكله
اعصج اللحمة انا بعصجها من غير طماطم احمرها فى البصلة عادى
واحطلها كوباية ميه واغطيها لحد ما تشرب ميتها خالص وانزلها من النار
وبعدين احطلها شوية بقدونس متقطع بيخلى الطعم تحففففففة
بس بقى ياستى تاخدى واحدة بتنجان وتحطى على طرفها معلقة لحمة وتلفى
واحدة بتنجان ولحمة وتلفى واحدة بتنجان ولحمة وتلفى
هه اقول كدة لحد مااخلص الكمية ولا بلاش
بلاش احسن لاضرب هههههههههههههه
وبعدين ارصهم فى الصنية بالشكل دا
وبعدين اجيب صلصة الطماطم (تومة احمرها واحط عليها طماطم)
واصبهاعلى البتنجات
وادخلها الفرن لحد ما يتحمر وشها معلش هى اتحروقت عندى شوية
ودا طبقى طبعا زى مانتوا عارفين انا بعمل رجيم قااااااااااااااسى علشان كدة اكلته زيه مرتين بس
انا عملتها مع بابا غنوج كان دمااااااااااااااااااار شامل بجد تحفة
ودا البابا غنوج مممممممم يييمى
وانا اعتمدت الطريقة دى للعضوة (بان )جزاها الله خيرا
بجد اتنسفت
بابا غنوج بالباذنجان المشوي ..بالصور خطوة خطوة
https://fatakat.univanet.com/#1771318
وبالهنا والشفا
ودى مواضيعى السابقة للى مقرهاش قبل كدة
محتارة تعملى ايه عالغدا تعالى شوفى كدة
https://fatakat.univanet.com/#2674478
حليت لك مشكلة غدا النهاردة كمان
https://fatakat.univanet.com/#2701009
وزعت العيال واستفردت بالراجل وعملت …………..
https://fatakat.univanet.com/#2626930
مواضيع هذا القسم برعاية
الاءاسامة الاءاسامة 485970_4.gif فتكات ست الكل Fatakat 485970 اسوان – مصر