السلام عليكم ورحمة الله وبركاته.
ازيكم يا فتوكات, يا رب تكونو بخير, ومايجيش العيد يا رب إلا واحنا في سلام ووئام يا رب, وربنا على كل شيء قدير.
يا فتوكات, كتبت لكم قبل كده, وقلت لكم أني يعني مبتدئة لسة في سنة أولى مطبخ. هه. وقلت لكم أني لما أعوز حاجة هسألكم.
بصو يا فتوكات, أنا جبت فرن الهالوجين أو ما يطلق عليه حلة الطهي الذكية, وهي في المخبوزات حلو أوي, عملت فيها الكيكة بتاعة ماي واي وبسبوسة, وفي التحمير برضو حلو بس بعد نصف المدة بتاعة الأكلة تقريبا أو أكثر شوية بتقلبيها على الناحية التانية عشان الوش التاني يتحمر سواء كانت حاجة لها وجهين زي البورجر أو البانيه أو سواء كانت بطاطس برضو بتقلبيها كده برضو لو تقدري تلبسي جوانتي حراري وتقلبيها عشان اللي تحت يطلع فوق, وتتحمر كلها كويس.
طلبي منكم بآ يا فتوكات:
عايزاكم تدوني قائمة كده بصواني سهلة الإعداد وما بتحتاجش إعداد كتير مسبق على البوتاجاز, عشان أعملها في الحلة دي.
ويا رب دايما نبآ أحلى صحبة دنيا ودين. مواضيع هذا القسم برعاية
اللاجئة إلى الله اللاجئة إلى الله فتكات متميزة Fatakat 537733 القاهرة – مصر
سبحان الله و بحمده