السلام عليكم ورحمة الله وبركاته
حبايب قلبي الفتوكات الغاليين :
النهاردة جيبالكم وصفة لذيييييييييييييييييذة اوي للدجاج المقرمش هتخلي جوزك حبيبك يقول عليكي احسن شيف في العالم
ووصفاتي كالعادة سهلة جدا وبسيطة ,,,
نبتدي بسم الله ……..
أول حاجة هتجيبي فرخة حلوة كدة ومتربية عالغالي ههههههههه وتغسليها كويس بعد ما تنضفيه وكله تمام تقومي يا حلوة تقطعيها من 8 ل 12 قطعة ( ودي طبعا فايدة انها تكون متربية عالغالي وبنت عز هههههههههههه عشان تكفي الكمية دي كلها )
وتعملي فيها فتحات بالسكينة عشان التتبيلة بتاعتك تدخل فيها وطبعا بالراحة عليها مش تبوظيها وتبهدلي بكرامتها الأرض ههههه
الخلطة او التتبيلة بتاعتنا عبارة عن :
ماء بصل + ثوم مدقوق + عصير نص ليمونة + زعتر + ملح + فلفل + قرنفل مطحون + قرفة + كزبرة ناشفة
هتخلطيهم علي بعض كويس وممكن تضيفي شطة حمرا لو بتحبي الأكل الحار حسب ذوقك ، وتحطي القطع في التتبيلة وتسيبيها في التلاجة ليلة كاملة لضمان عملية التتبيل ..
تاني يوم تخرجيها وتكوني مجهزة بقسماط ودقيق ذرة وبيض عشان تحمري الفراخ في الزيت
وتغمسي الفراخ قطعة قطعة في الدقيق وبعدين البيض وبعدين البقسماط اخر حاجة وتحمريهم في الزيت .
وبس بألف هنا وشفا ..
واللي تجربها تقولي ومتنسونيش في التقيييم يا فتوكاتي .
:: ( اللهم ارزق والداي جنة الفردوس واجمعني بهم مع زوجي وابنتي وجميع المسلمين والمسلمات ):: مواضيع هذا القسم برعاية
بحر الغموض بحر الغموض 587055_20.gif ممنوعة من المشاركة Fatakat 587055 في حضن جوزي حبيبي – مصر