وسع وسع وسع انا النهارده فرحانة اووووى ماشاء الله بجد اول مرة اعمل كذا صنف اصلى بصراحة لسه مخطوبة ومش بعرف اعمل اكل غير حاجات مش كتير اوووى ولكن انبارح وبفضل ربنا ثم فتكات عملت كذا شئ عرفت طريقتهم من فتكات عملت
شاورما فراخ ودى اخذت طريقتها من جورى
عملت بطاطس كرسبى
عملت بطاطس بالمايونيز والبسلة والجزر
عملت كيكة دسمة
ونقول بقا بسم الله عشان ابدا
طريقة عمل شاورمة الفراخ
المقادير
نص كيلوا صدور فراخ مخليه
ملح – فلفل – كمون- توم- كركم – زعتر – قرفه – زبادى – 2ليمون – معلقتين صلصه
فلفل الوان اخضر واصفر واحمر لو مفيش كفايه الاخضر بصل – بقدونس- وعلى فكرة مكنش عندى فلفل فمحطتش الشاطرة تعمل برجل حمار
الطريقه
تجيبى طاسه وتسخنيها كويس من غير لا زيت ولا اى حاجه وتحطى شرايح الفراخ ثوانى وتقلبيها على الوشين بس لونها يبيض
بعد كده قطعى الفراخ شرايح بالطول رفيعه زى بتاعه الشاورما كده
بعد ما تقطعيها كلها حطيها فى طبق غويط وحطى عليها التوم والتوابل دى
ملح فلفل كركم كمون زبادى زعتر ليمون والصلصه وقلبيها كويس وغطيها وسبيها اطول فتره ممكنه اقل حاجه ساعه
زى كده
بعد كده سخنى طاسه كبيره وحطى فيها الفراخ بالتتبيله على النار من غير اى اضافات وسبيها تنزل ميتها وتستوى فى عرقها
خالص لحد ما تنشف الميه وميبقاش فيها ريحه الميه نوهائى ولو طابت الفراخ ولسه فه ميه انقليها طاسه تانيه لازم ميبقاش فيه ميه
وده اللى بينجح الشاورما
تبقى كده
وننزل بيهم على الفراخ
قلبيها على الفراخ
تاخد وتدى اقل من خمس دقايق لحد ما الخضار والبصل يدبلوا بس مش اكتر من كده عشان يقرمشوا فى الاكل زىالشاورما بتاعه المحلات
والنتيجه احلى شاورمه فراخ ودى شاورمة جورى
طريقة عمل البطاطس الكرسبى والله والله طعمها وشكلها زى بره بالضبط
المقادير :-
بطاطس مسلوق نص سلقة حوالى 3 بطاطسات
الخلطة:-
ثوم. ملح . نصف كاس دقيق . كاس ماء . فلفل اسود- ملعقة بيكنج بودر – ملعقة كركم- بيضة
الطريقه:
يقطع البطاطس المسلوق دوائر ثم يتبل بالخلطه السابقه وتسبيها شوية فيها
ثم يقلى بالزيت
سلطة البطاطس بالمايونيز والبسلة والجزر
اول حاجة هسخن مايه وهحط بسله وجزر متقطعه واخليها تتسلق واكون مقطعة بطاطس مكعبات واحطها مع البسلة والجزر تتسلق معاها وبعد لماالاتنين يستوى مع بعض اكوم محضرة المايونيز زطريقة المايونيز سهلة اوووى هجيب الخلاط وهحط بيضتين واحط معلقتين خل واشغل الخلاط وهو شعال ارفع الغطا وانزل نقط زيت عشان يتقل وبعدين احط الملح والفلفل الاسود وبعدين اقلب المايونيز على البطاطس والبسلة والجزر واحطها فى التلاجة وتتقدم بالف هنا وشفا
]طريقة عمل الكيكة الدسمة
المقادير
3 أكواب ونصف الكوب دقيق {
2 كوب سكر {
1 كوب زبدة {
1 ملعقة كبيرة بيكنج بودر {
1 ملعقة صغيرة فانيليا {
1 كوب حليب {
3 بيضات {
الطريقة
1. يخلط السكر مع البيض بمضرب كھربائى إلى أن يصير قوامھ كالقشدة.
2. تضاف الفانيليا ثم الحليب ويخلط الجميع.
3. بعد ذلك يضاف الدقيق والبيكنج بودر ويقلب الخليط بخفة إلى أن يتجانس.
4. يصب الخليط فى قالب مدھون بالزبد ومرشوش بالدقيق بحيث يملأ ثلثھ فقط.
5. يخبز فى فرن حار لمدة 45 دقيقة أو حتى تستوي الكيكة.
وعوزاكو تدعولى ان ربنا يتمتم ليا مع خطيبى ونجوز بقا وبجد جربو الاكل ده وادعولى مواضيع هذا القسم برعاية
دلوعةمحمد دلوعةمحمد فتكات نشيطة Fatakat 616487 القاهرة – مصر