السلام عليكم
ازيكم يا فتوكات
انا من فتره عملت الموضوع ده بس لللاسف نزل من غير الصور ومكنتش عارفه ارفعهم تانى
المهم المرادى بالصور
بقالى كتير معملتش مواضيع ف فتكات لظروف الحمدلله عدت ع خير
المهم النهارده قولت اصورلكم غدانا واشرحلكم الطريقه ممكن تعجب حد او تستفيدو حاجه المهم نشوف الصور الاول
الطبق الرئيسى عرق الفلتو
دى صورته بعد التقطيع ومن غير الصوص بتاعه اصل بصراحه مقررتش انى انزل الموضوع ع فتكات غير وانا بغرف علشان كده مصورتش الخطوات
ودى صورته بعد ما رشيت عليه شويه من الصوص والباقى حطيته ف طبق وطبعا الصوص اهم من اللحمه نفسها هههههه
ودى صورة صنية البطاطس بالكريمه البايته ههههه عملتها امبارح وسخنت الباقى النهارده
ودى صورة رول اللحمه المفرومه بالبيض بردو بايت ومتسخن
وده صوره للغدا كله وطبعا كلنا بعيش وقدمت معاه مخلل المشكله بس انى قال عامله دايت يلى ابقى اعوضها
نيجى بقى للطريقه اولا عرق الفلتو ده عرق بتلو حوالى كيلو تبلته من قبلها بيوم كامل ف مية بصله وربع كوباية خل مدوبه فيها معلقة سكر وملح بسيط وتوابل لحمه وفلفل وسماق ونغزت اللحمه وحطيت ف كل نغزه نص فص توم ولفيته بخيط من اوله لاخره كويس اوى وحطيته ف علبه بلاستيك وع التلاجه وكل كام ساعه اطلعه والفه
تانى يوم جبت صنيه وحطيت معلقة سمنه على سنة زيت وشوحته من كل الجوانب لحد مايعمل لون بنى حلو وبعدين حطيت عليه التتبيله بتاعته اللى كانت ف العلبه ولحد ما غليت معاه شويه وبعدين حطيت كوبايتين ميه مغليه وورة لورا وفصين حبهان وسيبتهم يغلو كام دقيقه وبعدين هديت النار وغطيتهم وسيبتهم يستو ع نار هاديه ممكن تدخليهم الفرن بس انا استسهلت وتسيبيهم لحد ما يستوى كويس وده طبعا حسب اللحمه بتاعتك ولما استوى زوت شوية ملح ونص كوباية كريمه لبانى وممكن بلاش كريمه وتحطى معلقة دقيق ع الصوص بعد ماتيلى اللحمه علشان يتقل الصوص معاكى وتسيبى العرق يهدى خالص وتفكى الخيط وتقطعيه بسكينه مشرشره حاميه
رول اللحمه
نص كيلو لحمه مفرومه بصلتين مبشورين كام عرق بقدونس بيضه معلقتين بقسماط طماطمايه صغيره مبشوره والبهارات الللى تحبيها وملح وفلفل وع الكبه مع بعض لحد ما يبقى عجينه كويسه لو حسيتى انها طريه زودى سنة بقسماط ولو ناشفه زودى طمطمايه كمان
بنجيب ورق الفويل وندهنه زيت ونفرد فيه اللحمه ع شكل مستطيل وحاولى تظبطيه ونحط ف النص بالطول البيض المسلوق بس ميكنش سخن ونجيب طرف الفويل ونلفه من جنب واحد لحد ما تلزق الحمه ع البيض وبعدين نلف من الطوف التانى ونضغط عليها بادينا كويس ونقفل الاطراف كويس ونحطهه ف صنيه ومعاها ميه مغليه وورق لورا وحبهان وتدخل فرن متوسط لسخن او 230 ده الفرن الكهربا وبتاخد حواى ساعه الا تلت او الا ربع وبعدين طلعتها وكبيت الميه اللى ف الصنيه وفتحت الفويل علشان تتحمر شويه وتنشف تحت الشوايه كام دقيقه بس وتسيبيها تبرد وبعدين تقطعيها وبالهنا والشفا
صنية البطاطس
بطاطس متقطعه شرايح رفيعه ونحطها ف حله فيها (كوباية شوربه وكوباية لبن وكوباية كريمه ومعلقة زبده وملح وفلفل ) مغليين وممكن تحطي فص توم لو تحبي وتسيبيهم ياخدو غلوتين مع بعض وبعدين تصبيهم ف البايركس وع وشهم جبنه رومى مبشوره ويكملو سوا مع بعض وبالهنا والشفا
لو عجبك قيمى ومتنسينيش بدعوه حلوه مواضيع هذا القسم برعاية
البت سماسم البت سماسم 138186_11.gif سوبر فتكات Fatakat 138186 قلب الدنيا – الدنيا