السلام عليكم ورحمه الله وبركاته
كل سنه وانتم طيبين ويعود علينا جميعا بالخير يااااااااااااااااارب
وربنا يرزقنى ويرزق كل مشتاقه بالذريه الصالحه اللهم امين
انا عملت تلقيح صناعى ورحت في اليوم ال 12 من تاريخ العمليه عملت تحليل حمل رقمى وكان فاضل ساعتها على الدورة 4 ايام وطلعت النتيجه 3,96 .. قولت الحمد لله واستنى شويه واعمل تحليل بعد ميعاد الدورة لو منزلتش واشوف ايه ؟؟
فوجئت قبل الدورة بيومين بنزول افرازات بنى غامق عامله سورى زى الطحينه كده وخيوط سوداء شبه خيط الخياطه نازله عليا خفيف لمده 3 ايام … انا قولت ممكن تكون الدورة وفيه لغبطه عشان المنشطات ولا حاجه بس حسيت نفسي تعبانه .. وعدى على ميعاد الدورة يومين قولت اروح احلل واشوف رحت حللت لقيت النتيجه 7,05 .. البنت بتاعت المعمل قالتلى كده خير وان شاء الله فيه حمل فرحت وقولت اروح للدكتور اشوف ح يقوللى ايه
رحت العياده قالولى ان الدكتور في الحج وراجع كمان اسبوع .. وريت البنت اللى في العياده التحليلين وفهمتها قالتلى يا مدام 7 دى احنا ما بنعتبرهاش حمل وبصراحه صدمتنى بعد ما كنت فرحانه
طمنونى بالله عليكم لانى محتارة اوى ؟؟؟ والدكتور قدامه اسبوع لسا على ما ييجي
اعمل ايه ؟؟؟ وعندى مغص جامد وشعور بالترجيع وصداع ووجع في ضهرى
تعبانه اوى والله
ايمي *لو ايمي *لو فتكات متميزة Fatakat 212068 alex – egypt