السلام عليكم يا أخواتي الفتوكات
أنا حامل في نصف التاسع و كنت عاملة ربط عنق رحم وفكيته الحمد لله أول امبارح والدكتورة قالت لي انتظري علامات الولادة سواء دم أو مياه .. ولو مكنش تعالي بعد 10 أيام
امبارح شفت بعد الحمام.. يعني أعزكم الله.. زي إفرازات مخاطية سميكة جدا ولونها أبيض مصفر شوية… أنا بصراحة شكيت إنها تكون السدادة المخاطية بتاعة عنق الرحم اللي قريت عنها على النت.. تكون كده نزلت يعني والرحم بيستعد للفتح
والنهاردة من بعد المغرب ولحد دلوقتي كده.. كل فترة أحس بمغص أو تقل من تحت ووجع أسفل الظهر خصوصا في النص عند العمود الفقري.. والبيبي بيتحرك بس أنا مش عارفة أحدد إذا كان بيلف ولا ايه.. بس حاليا ساعات باحس إنه متحجر لفوق ناحية القفص الصدري كده.. كأنه طابق على نفسي زي ما بنقول
وساعات تانية أحس مفيش حاجة من ده خالص
مش عارفة هي دي كده تبقى بداية الولادة.. وانتظر نزول المياه أو الدم في أي لحظة خلاص؟
أنا بس مش عارفة أقول لحد لأن زوجي مسافر وأنا مقيمة مع مامتي… بس هي صابحة مسافرة هي وبابا ضروري ومش عاوزة اشغل بالها عليا
رأيكم ايه؟؟؟ لو فعلا بداية ولادة.. المفروض أعمل ايه؟؟ اتمشى في الشقة ولا أنام على ظهري ولا أشرب ايه مثلا؟؟؟ أنأ مش عارفة خااااالص
أم عمر وعلي أم عمر وعلي 350447_3.gif سوبر فتكات Fatakat 350447 القاهرة – مصر